US ramkulh Milwaukee khua i Molson Coors Brewery hmun ah cacawn nithum ahkhan kum 51 mi nih meithal in a pawngkammi minung a kah hna i minung 6 an nunnak a liam theih a si. A nunnak a liammi hna hi zu an serchuahnak hmun Molson Coors Brewery hmun ah rianṭuanmi an si i cu hmun i rian a ṭuanmi minung 5 an thi i cu minung 5 hna nunnak a latu pa zong adonghnak ah amah le aikap tiah theih a si fawn.

Palik hna nih hi thil a cangmi ah hin thihnak a tongmi hna ti dah lo cun adang hliamhma a tuarmi an um lo tiah an chim i hi thil hi zeiruangah dah acangmi thil fianfai deuh in an hlathlai cuahmah lio a si tiah an chim ve. President Donald Trump nih hi thil cangmi kongah ngaihchiatnak a tongmi hna chungkhar a ngaihchiatpinak hna le a tuarpi nak hna a chim ve.

Molson Coors brewery i CEO Gavin Hattersley nih cun an rianṭuantu hna hi bantukin an nunnak liam hi a ngaihchiat tuk na le a lungfahnak hna chim in hi thil a cangmi ruangah tuzarh chung cu an dawr chung rih lai tiah a chim.Cacawn nithum i, ikahnak le a thimi hna telh loin tukum chungah US ah voi 44 i kahnak achuak i minung 224 an nunnak a liam cang tiah theih a si fawn.