Opening Up America. Tuchun thawk in Colorado, Mississippi, Montana le Tennessee state ah on hram an thawk ve cang. Zawtnak ralvennak caah an renghmi phung cheukhat dinhdorhnak an tuah piak cang hna. Business zeimawzet on an thawk. Georgia, Oklahoma, Alaska le South Carolina ahcun riantuan hram an thawk than cang i, an riantuannak hmun ah an rak phan than cang hna.

New York state hi an a zualnak bik a si. US a thimi zapi chung in 30% cu New York state chung ummi an si. Asinain nikhat hnu nikhat a zawmi le a thimi a zor lei a phanh cang. May 15 khi New Yourk lock down an tuahnak caan a dih cang lai. Governor Andrew Cuomo nih zarhpi ni i a chimnak ah construction le manufacturing businesses cheukhat cu on hram kan thawk lai, tuhnu zarh hnih hnu ah kan sining kan zoh than lai i, kan renghmi vialte dinhdorhnak kan tuah chap lai tiah a chim.

Department of Labor statistics cazin ningah 26.5 million nih unemployment benefit an sawk cang. President Donald Trump nih kan hnu friday ah khan small business pawl bawmhnak, zawtnak testing tuahnak le sizung bawmhnak caah $484 billion min a thut i, bawmhnak pek an thawk cang.

U.S. Treasury Secretary Steven Mnuchin nih a ra laimi July thla chung in US sipuazi tunmernak hram a thawk than lai tiah zumh ngamnak ka ngei” tiah fox news he sunday inteview ah a chim. US sipuazi thawhter thannak ding caah a um bal lomi phaisa bawmhnak kan tuahmi nih US sipuaizi cu a hrimter lai tiah a zumhnak a chim.

White house Task Force chungtel Dr.Deborah Birx nih “American mipi nih media sin in thil dik an thei taktak lo hi apoi hringhren, ka lung a tha lo” tiah CNN he sunday interview a chim. President Donald Trump zong nih main stream media hna nih mpi hna sin ah thil dik an chimh hna lo caah press conference kan tuahmi hi kan i ruahchanmi tluk in sullam a ngeih lo caah a phu lem lo” tiah a chim ve.

President Trump biachimmi cheukhat pawl cu CNN le media cheukhat nih an kuaih piak lengmang caah white house press conference hi nifatin tuah dawh an si ti lo. CDC nih Covid-19 zawnak symtom a simi, tak-linh, thawcham le khuh pin ah khuasih, ruhkhuafah,rim theih lo le or-fah zong an tleh chap than. Credit: Salai Lairamthang