US Ṭheo Hi A Si Ko: US Hlathlaitu Pawl Nih Coronavirus Hrik Cu Nilinh Nih A Thah Khawh Tiah An Phuan
Admin||04 Vaupi 26-2020|| Thawngṭha ngai si dawh a si. US Department of Homeland Security nih advance bio-containment lab ah hneksaknak an tuah. Hi hneksaknak an tuahnak ah an hmuhchuahmi cu COVID-19 hrik cu ni nih a linhnak in a thi kho. A linhnak hmun le a kihnak hmun zulh in hi zawtnak hrik a chan a tawisau hi ai hngat tiah White House nih an langhter.
Hi zawtnak hrik hi 5-gallon bucker ah kan khumh i inn (room) chung ah kan chuah. Cu room chung cu temperature sangnai le humidity “thli chung ah ti a ummi” (UV) in kan ceuh/kah. Cu ti cun zawtnak hrik hi hneksaknak kan tuah tiah Bill Bryan nih cun a chim. Room chung temperature hi 70-75F le humidity 20-80% ah kan chiah ah cun zawtnak hrik suimilam 18 chung a nung dingmi cu suimilam 6 lawng a nung kho. Temperature hi 95F ah kan santer a si lebang ah cun zawtnak hrik hi minutes 60 chung lawng a nung kho cang tiah Bryan nih a chim. A chim rihmi cu hi bantuk thil hi Maryland ah a ummi DHS advance bio-containment lab ah hneksaknak tuahmi a si tiah Bryan nih a chim chih.
Bryan nih a peh rihmi cu COVID-19 hrik i chawnhning hi fiangte in hngalh a si rih lo. Hneksaknak kan tuahmi nih hin hi zawtnak hrik kan dohnak ah a kan bawmh lai tiah a chim fawn. DHS team hna nih cun Bleach timi le Isopropyl alcohol hna cu zawtnak a ngeimi hna an cil tibantuk ah hneksaknak an ngeih. Minute 5 chung ah Bleach nih hin zawtnak hrik hi a thah khawh i Isopropyl alcohol nih hin cun second 30 chung ah a thah khawh tiah Bryan nih a chim. Ref: VLN
Note: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Reference/Credit/Source ṭha tein kan pek peng lai. Cucaah thawngpang kan ṭialmi kan palhnak a um cun theihter khawh peng kan si. Chinworldnewsevening page ah le J Van Duh Thar Lahnin ah pehtlaih khawh peng kan si. Mipi sinah thawngpang thlazamh na duhmi um cun kan i thlahzamh khawh piak ko.