Update Thar: Thantlang Khuachung Kahdohnak Kong He Pethlai In CNA Nih Thawngpang Fiang An Langhter

Chin News

Thantlang khua Kan Laak Khawh Cang Tiah Ralhraang Nih An Thanh Mi Cu A Dik Lo Tiah CNA Nih Leh Nak Tuah

Chin ramkulh Thantlang khua kan laak khawh cang tiah ralhraang lei nih nihin October 30 ah an thanh mi kong ah CNA in chimrelnak nawl ngei tu Salai Htet Ni nih “Thantlang khuachung ah kahdoh nak faak a chuah lonak zarh hnih thum a si cang.Thantlang khuachung ah ralhraang nih hmun thum Li ah umhmun an khuar i kan mah lei zong nih kan khuar ve.,hrawkhrawl in thawng an thanh sawh sawh mi a si” tiah a chim.

Ralhraang hna nih thawng an thanh nak ah August thla thok in Counter Terrorism Operation kan thok i a voi khat nak ah timit kan laak ,a voihnih nak ah timit in Thantlang lutnak tiang,a voi thumnak ah CB Bank tiang le a voi li nak ah high school sianginn le sii-inn pi tiang kan laak i a zapi in kan laak khawh cang tiah an thanh hi a si.

Nihin October 30 thiam ah CDF Thantlang ralkap 3 kan fimtawl hna tiah ralhraang telegram in thanhnak an tuah than i cu zong cu thawng dik lo a si tiah CDF Thantlang in ralkap 1 nih Zalen ah a chim.

Kani Peng Tilawng Le Pyusawhti Ralhrang Sakhan Hna Cu Mipi Ralkap Nih An Kah 5 An Thi

Sagaing ramṭhen, Kani peng Chindwin tiva in a rak chuakmi SAC ralhrang tilawng le Pyusawhti khua ralhrang sakhan mipi ralkap nih ankah 5 an thi tiah Kyauklongyi KLG Brigade chingin ṭuanvo ngeitu pakhat nih Yangon Khit thit ah a chim.

October 30, zinglei suimilam 11:00 tluk khan Kani peng Minkin khua pawng Michaungtwin khua ah riak in tualchung mipi Caw, Meheh, riahcaw le thilmensung fir in a rak chuakmi SAC ralhrang tilawng 7 cu mipi ralkap phufonh nih abkah caah tilawng khaltu le ralhrang 2 an thi tiah theih asi.

Cu bantuk ṭhiam zaanlei suimilam 1:00 tluk khan Kani peng Khawmyauttaung pawngah SAC ralhrang tilawng 7 cu mipi ralkap nih ankah ṭhan caah ralhrang 2 an thi chap tiah theih asi.

Cu pinah October 30, zaanlei suimilam 2:00 tluk khan kani peng Ahlelkyun Pyusawhti khua Shar Htoo Waw drone hmangin 1kg tluk a ritmi bomb vawi 3 an thlakhnawh hna a thimi le hliamtuar fianghlang an chim kho rih loh tiah an langhter.

Kahdohnak ah a telmi mipi ralkap phufonh hna cu Yinmawbin battalion 22 ၊ battalion 23 – KLG PDF Kyauklongyi mipi ralkap le PDF ṭangṭi phufonh hna ansi ansi tiah an langhter chih.

Leave a Reply