Ralhrang Pyusawhti Hriamngan Kahnak In Tualchungmi 3 Nunnak Liam A dang Hliamtuarmi An Um

September 16,zan suimilam 7:00 tluk khan Magway ramṭhen, Gabgaw peng MinTaKone khua cu Hmiauh Kha Yan khua ah ummi SAC ralhrang Pyusawhti nih hriamngam 120 MM in ankah hna caah tualchungmi nunnak liammi le hliamtuarmi anum tiah theih asi.

Pyusawhti ralhrang hriamngan kahnak in tualchungmi 3 nunnak liam pinah hliamtuarmi 10 naak tlawmlo anum tiah an langhter.

“Zan suimilam 7:00 tluk khan anrak kah i thawng kan theih tik ahcun tualchungmi 3 nunnak a liam cang ngakchia hliamtuarmi zong anum inn 3 a rawk tiah MinTaKone khua tualchungmi pakhat nih a chim.

Kahdohnak zeihmanh umlo in ralhrang nih hriamngan ankah tiah PDF mipi hriamtlaiphu chungin ṭuanvo ngeitu pakhat nih a chim.

Myinmu Ah Rallamsialmi SAC Ralhrang Nih Tualchungmi 3 Le Mipi Hriamtlai 1 An Thah Hna. Sagaing ramṭhen Myinmu peng SAC ralhrang rallamsialmi nih tualchungmi 3 le mipi hriamtlai 1 ankah thah hna tiah MNRF Moe Nyo Revolution Force chungin ṭuanvo ngeitu pakhat nih a chim.

September 14, khan Rallamsialmi SAC ralhrang thazaang 80 tluk cu Myinmu peng Nyaungyin khua ah an rak caah tualchungmi 1 a zaam liomi cu ankah thah tiah theih asi.

Khuachung ah ralhrang nih hriamngan duhduh in ankah caah tualchungmi zuat khalhmi Caw 4 le Vok 2 a thi tiah an langhter.

September 15, zanlei sangah Nyaungyin khua ah thilzuar dingin ara mi tualchungmi 2 cu SAC ralhrang nih an tlaih hna hnu ah ankah thah hna tiah theih asi.

September 16, zanlei suimilam 2:00 tluk ah SAC ralhrang cu Nyaungyin in Myinmu khua lei ah ankir lei ah MNRF mipi hriamtlai 1 an thah tiah an langhter chih.