Update thar-“Hi mei hi dumduah nak in a lawn sual mi asi lai lo”

Chin News

Thantlang CNF/A zung thlang rammei a kang. Thantlang meithat motor le mino tampi nih an zuanhnawh i an hmih than khawh.

May be an image of one or more people, people standing and nature

“Hi mei hi dumduah nak in a lawn sual mi asi lai lo. CNF/A zung area chungin ai thok mi mei asi, Ngakchia nih lalpan ah an i thlahphoih zong a si kho ko” tiah CNF/A zung kiangkap khuasa nih an chim.

May be an image of one or more people and nature

“Kan nih cu zeihmanh kan thei lo.Nan zungkam a kang tiah an kan chimh lawngin kan theih ve mi asi. Kan theih i kan hun zoh ahcun innthlang taktak ah mei a phan cang.Thantlang mino pawl an khul a rang i an hun phan dih manh, silo sehlaw kan inn a tlaih ko hnga” tiah zung Quater um mi nih The Chinland Post ah a chim. Source: Thantlang, March 11,2021, Photo – TCP Thantlang

Tlanglo ah a caam mi Kawl Ralkap le Dr. Sui Khar atu nai ah an i tong than. Nizan March 10 ah Camp Victoria ah a kal mi Ralkap cu Tlanglo ah an caam i tuIzing March 11 ah Camp Victoria ah kal than an i timh ca ah Dr. Sui Khar Thantlang lei in a rak ra i Tlanglo ah an i tong than tiah thawng kan theih.

Hi kong ah Tlanglo khua upa pakhat nih “Atu nai chun 12:00 ah khan Thantlang lei in Dr. Sui Khar a rak phan i kan khua ah an i tong than. Pu Sui Khar cu a rak men lo. An tih ngai ti a langtuk. Pu Sui nih ‘cunglei ka chawnh cang hna’ a ti hna i an dai. Asinain cunglei nih rak kal than ding in an van ti hna ca ah a si rua. Cucaah Dr. Sui Khar nih ‘Bohmu pakhat le Ralkap pathum nih ka zul u’ a ti hna i atu nai ah khan Tio leiah an tum,” tiah The Hakha Times ah a chim.

Camp Victoria lei in CNA pali an rak kai. Cun Dr. Sui Khar a van zultu pathum nih an zulh hna. Dr. Sui Khar nih “Ralkap Bohmu le a dang pakhat cu a motor ah a thutter hna i a dang pahnih cu motorcycle in an kal,” tiah a chimchap.

Zing ah khan cun kan lungre a theituk nain atu Pu Sui a rat hnu cun kan lungretheihnak a dai, kan thin a phang ti lo, tiah a cunglei upa nih a chim. Ralkap hi nizaan Camp Victoria an kal an kir hnu in tlung lo in Tlanglo ah an caam i khuachung Tualleng Sianginn ah hmunhma an khuar tiah thawng kan theih. Source: The Hakha Times

Leave a Reply