Update: Ralhrang Kutin Nunnak Liam Mi ‘Pi Chia Hnem’ Thihnak Ah A Hnu Bik Thil Sining

Chin News

SAC Hriamngan Kuan Nih Hniarlawn Khua, Pu Thla Chum Inn A Khen Caah A Nupi Pi Chia Hnem A Nunnak A Liam! Nihin August 10 zing sml 9:00 hrawng in Hakha Chin ramkulh, SAC kuttang Ministers umnak inn pawng hrawng le Hakha thar meithat zung pawng hrawng ah kahdohnak a chuak. Cu kahdohnak ah cun SAC ralkap nih hriamngan an kah caah Hniarlawn khuami Pu Thla Chum a inn ah hriamngan kuan a tla i, Pu Thla Chum nupi, Pi Chia Hnem, kum 56 hrawng cu a nunnak a liam.

No photo description available.

Hniarlawn khuami pakhat nih, “Hriamngan kuan lung hnih a tla i, pakhat cu Pu Thla Chum inn cung ah a tla. A inn cu a rawk dih, a nupi cu tappi kam ah a ṭhut lio a si i, an inn cung ah hriamngan kuan a tlak caah a nunnak a liam,” tiah a chim.

Hriamngan kuan nih Hniarlawn khuami Pu Za Hnin fapa Obed, kum 14 zong a baan ah a hliamh, tiah theih a si. A luancia July 25 lio zong ah tualleng siangngakchia a zaam kho lomi va chanh ding ah a kalmi Hniarlawn khuami Salai Mang Lian Sang cu SAC ralkap nih an rak kah thah.

Thawngpang dang: India ram, Manipur Ramkulh ah Myanmar Rammi Panga Tlaih An Tong!
India ram, Manipur ramkulh, Churachandpur pengkomh Ngathal khua ah phung ning loin a ummi Myanmar rammi panga cu palik nih nizan August 9 ah an tlaih hna, tiah theih a si.

May be an image of 6 people and people standing

Ṭuanvo ngeitu pakhat nih, “India rammi sinak ID an ngeih lo caah kan tlaih hna,” tiah a chim. A luancia June thla 28 lio zong ah Churachandpur pengkomh ah palik nih inn khat hnu inn khat checkhlatnak an tuah caah Myanmar rammi 20 telh in minung 80 an rak tlaih cang hna. Credit: The Chin Post

Leave a Reply