Naite ah a hung linsa ngaimi cu South Chawngtui khua UPC (Mizoram) biakinn pulpit cungah zuhui an chiahmi hmuh a si. Hnahthial SP Pu Lalbiakila ṭhihruainak in Thingsai palik hna nih an si khawh chungin hlathlainak an tuah hnuah a tuahtu a si ko tiah an ruahmi Lalnunhlua (kum 28) cu tlaih a si i thaizing ah hin District Court Lunglei ah kalpi a si lai.

Pur 7|06|2020 ahkhan South Chawngtui khua i UPC khrihfabu chungtel cheukhat cu zingka te ah thlacam dingin biakinn ah an kal i cu hna nih cun an pulpit cungah zuhui cu an hmuh. YMA lei nih a tuahtu hodah si tiah an dothlat len nain an thei kho lo i Thingsai palik zungah FIR tuah a si.

Cu hnuah Thingsai palik hna nih biatak tein hlathlainak an von tuah ve ṭhan i zeimawcan an dothlat hnuah a tuahtu pa Lalnunhlua cu an theih khawh. Lalnunhlua ah nih hin palik sinah amah tuahmi a si ko ti fiang tein a chim phuan dih. Lalnunhlua cu 295 A IPC R/w 6(1) MLPC hmangin dantat a si. Chirhchan: Calathea Daily