Chan Zo Tuallawt in, Jesuh Khrih A Zum Ruangih Dungtun Tongtu, Ko Naing Lin A Bawm

Khrihfa a si ruangah sungkhat ngaihsak hlawh lo in harsatnak reipi a tuar zotu, Kalay peng, Mauhlinn khawmi, Ko Naing Lin cu USA ih um Chan Zo Tuallawt in 100,000 MMK in a bom ruangah kan lung a awi zet a si. Ko Naing Lin hi pumpi hmà le ril pawp belh ttul in Kalay Civil Hospital ah thla 2 zikte a it zo. Ting 8 lenglo an cem zo. Kalay Civil hospital ih zumtu sizung nurse pawl in anmai thlahlawh tlin tawk tete ih bomnak pekmi tete thawn an um fangfang.

Ko Naing Lin hi Buddhist ihsin Christian a lut ruangah rualpi le khawsung bomnak pawlkom in an hrial. Mangbang vansang in ni an siar siko,” tiah an Pastor Nge Nge in a sim. Ko Naing Lin (Kum 23) hi innsang neiin fate 2 ih pa a si. Mauhlin khuaah mi innsang ih khawsa an si. Christian a lut nak hi kum 7 lenglo a si zo. Ko Naing Lin bomnak pek duh le thlacamsak duh hrang Kalaymyo Pyituh Siizung ah veh theih ringring a si.

Kawhhran zawng in siseh, department zawng in siseh, bulpak in siseh, thlacamnak thawn vehvai cio ding in kan lo dil duh a si.

Amah pehtlaihnak: Ko Naing Lin- Ph no. 09441177481- Pastor Nge Nge- Ph no. 09683826992
Tluangdang tlangdang ihsin bom duhnak thinlung nei kan um le CT Help Team Siang Lian Uk hnen ihsin bom theih a si. Siang Lian Uk- 5/Ka La Hta (Naing) 227131- KBZ II, Kalay-Tel: 09 400 941 007

Ref: Chinland Todau Media