Upat A Tlaktuk Hringhran, Kan Lai Patthawng Rung Lian Ceu Nih Naga Paih I Laksawng A Hmuh Mi Vialte CNF/A Sinah A Hlut Dih.

Theihtlei

Upat A Tlaktuk Hringhran, Kan Lai Patthawng Rung Lian Ceu Nih Naga Paih I Laksawng A Hmuh Mi Vialte CNF/A Sinah A Hlut Dih.

Upat tlak le a nun cawntlak taktak a simi Laimi cawisantu Rung Lian Ceu nih tutan Nagaland a paihnak i pathumnak laksawng a hmuh mi le paih dawh bik laksawng a hmuh mi vialte phaisa a hlut dih. Hakha lei in paih a rami hna le Delhi in amah zultu hna pin ah ram le miphun caah rianttuantu CNF/A sinah laksawng a hmuh mi vialte hi a hlut dih tiah,” tiah WCP Chiarmen Pu Ang Cung nih a chim.

Pu Ang Cung nih a chim mi cu Rung Lian Ceu nih hin pathumnak ah India phaisa Rupee Rs. 100000 le paih dawh bik Rs. 10000 a hmuh i, Mah chungah Hakha lei in a rak rami hna sinah Rs. 10000 laksawng kan pek hna. Cun amah Rung Lian Ceu paih chimtu a coach pa Rs.10000 laksawng kan pek fawn.

Cun Delhi leiin an kan zultu hna minung pathum zong Rs.10000 cio laksawng kan pek hna i, A tang mi Rs.60000 hi ram le miphun caah a rianttuan mi hna CNF/A sinah kan hlut dih tiah a chim chih. Mah laksawng kan pek mi hna hi US lei um Rung Lian Ceu a pa kan chawnh hnu in le anmah lungtlinnak in kan pek mi hna le hlutmi a si,”tiah Pu Ang Cung nih a chim chih.

Hi bantukin Rung Lian Ceu le a chungkhar hna nih ram le miphun caah tiin an hlut mi le miphun dawtnak an ngeih mi hmuh hrimhrim ah hin lung a tling khotuk. Hmailei a timhtuahnak le an chungkhar cungah Pathian nih umpi in lam hruai ko hna seh. Kan lomhpi tuk hna. Pasal ttha lungput ciammam.

Leave a Reply