Zanak Tlanglam ah atap mi Mg Oo Mawṭaw Bang Kawlram Bialehnak (Upadi Profet Micheal Becker) ICJ nih Kawlram ahmuh kan kharpiak uh Pi Ci. Asi kho lai lo. Zeicahtiah Lakhruak lairel nak tu an hal mi asi (Gambia nih). Cihhmih nak a karh chin suallo nak hnga an hal mi asi. Cihhmih khamh ding le dantat ding cu kum tampi arau ding asi caah. ICJ nih ahmuh a phih piak lailo.

Rakhine ram ah asicia mi cu a zei ava si hmanh ah tu cu thli kalning a tluang thluahmah cang. Miphun hna i remhṭhan nak kan tuahṭuan cuah mah. Hi tlukin thil sining aṭha cang i a tluang ko mi ah Lakhruak lairel nak cu um rai asilo. Harsatnak pelte hmanh aum tilo. (Pi Ci). A ṭha ngaingai mi rianṭuan nak asi. Nain Rohingya min a hman duh bak lo. Hi bia nih hin Biaceihtu bawihna ahip khawh hna lailo. Gambia cu Genocide Convention (Civuipi) ah senthuh ve lomi OIC ram 57 ai-awh tu lawng asi caah upadi ningin Biaceih piak ding asilo. (Mr. Christopher – Prima Facie jurisdiction).

Biatak te bakin Hmuitinh annganh ko. Hi kong hna cansau pi lakin an phisin mi nih ka khuaruah a har ter. Gambia nih Kawlram a buarmi Genocide konglam I hmaithlak in ṭuanchuak ding mi ah aa hliphlau tuk mi le ram pakhat asi mi nih hin ICJ ah hmual a ngei deuh.Taza cuainak capar zong ah an ṭial chih fawn. Bialeh awk ngalh loin leh sawhsawh cio kha asi ko.

Gambia nih ramdang mi sin in bawmhnak, Ngunsawm, Upadi, Fimthiam nak, tbk zalon tein ngeih khawh asi. Hihi cu Biaceihzung ningcang le Upadi he pehtlai nak pelte hmanh a ngeih lomi asi. Gambia cu Ai-awh asi tiphun le fialchawm mi asi tiphun hi cu a piangtuk mi le a parpavuan tuk mi asi. Upadi thiamsang hna kaa chuak ding mi bia asilo. Upadi le Biaceih ningcang he aa pehtlai lonak Kawlram lei nih an langh ter kholo. Taza cuainak pinlei thil sining kha abiapi asilo.

Zeibantuk biahla in dah taza ancuai hna timi abiapi deuh. Hi kong ah asi le silo cu ICJ rian le ICJ phung asilo. Cunak chacun Gambia hi ram pakhat asimaw timi nih lai arel deuh saumau. ICJ taza cuaihlan ah Kawlram le Gambia karlak ah Genocide khamh ding in le dantat ding in i remh lo mi le buaibai nak aum lo timi cu ICJ a hip kho tu phisin ning asi lo. FFM cazin aapalh caah zumh awk a um lo. Taza cuainak chirhchain in lak khawh asi lo. (Professor Dr. William Schabas)

FFM cu Kawlram ah lutnak nawl an pe hnalo. Gambia nih FFM cazin chirhchan bikah ahman asi ahcun ICJ nih FFM Chairman pa, Cazin khawmtu, Biahal tu hna, tbk kha ICJ ah au in Biahal nak tuahkhawh asi (ICJ phung ning in). Sihmansehlaw ICJ phung ning cun UN nih rian fialmi FFM cazin kha hmandeuh ton asi caah Professor pa chimh mi nain FFM kha a zumh deuh te lai. ICJ hmai a phan cangmi UNO pi FFM cazin le FFM kuttang ah um mi cazin vialte he epchun in biachah cu ICJ phung asi.

Lakhruah lairel nak nawl caah Genocide senthuhmi nawl abuar timi an hmuh khawh ahcun aza cang. Adang aherh lem tilo. Dr. William Schabas nihhin Upadi ning in asi le silo tu kha achimh deuh ding asi. Cazin kong hna in I phisin cu Upadi thiamsang hna nuncan ziaza le biaphuan ning asi lo. ICJ tu nihcun FFM cazin tu kha an zoh deuh te lai. Micheal Becker: International Lawer. ICJ law Officer (2010-14). Associate Professor-Law Department. Trinity College. Durblin. Ireland. Saya Rung Kaw