Admin||05|Biangreithlep 12|2020|| Rev. Dr. Van Ram Uk te nu pa le COVID-19. COVID-19 zawtnak nih U.S. ram bia tak tein a vun phanh hnu ah KIMOT ministry hmang in Facebook le Youtube LIVE in Pathian heh tiah a kan chim i Pathian bia hal mi tete zong lungsau tak le tangdor tak in a leh tu hna Rev. Dr. Van Ram Uk te nu pa cu Dallas, TX ah zarh tlawmpal an um hnu ah in Kansas lei ah Pathian bia chim ah an kal i Kansas i an program a dih hnu ah Dallas, TX ah Pathian lam hruainak thawngin dam tein an phan than i voi khat hnih Social Media hmang in thawngtha an chim than hnu ah an nu pa in an dam lo tiah KIMOT page hmang in theih asi.

Cu ti an dam lonak in cun Rev. Dr. VAN Ram Uk te nu pa cu Sizung an phannak zarhkhat si cang, a tu tiang ah hin cun Sizungah an um rih ko nain an mah cu dam lei an panh thluahmah tiah thawng pang naih niam mi pakhat sin in theih a si i lawmh a um tak tak.

An mah Rev. Dr. Van Ram Uk te nu pa lawng si lo in Evan. Tial Lian Thang le an nu zong an zaw ve nain an nih nu pa tu cu Sizung an phan lo i tu ah cun Pathian thawngin dam lei an panh thluahmah ve tiah chungkhar lei naih niam sin in theih a si ve. Pathian rian tuan tu kan saya te pahnih an chungkhar pahnih tein dam lei an panh mi thawng theih cu lung aa lawm tuk, kan biak Pathian nih a rauh hlan ah damnak tling pe ko hna seh. Ca reltu nan za te cungah kan i lawm. Kan page hi LIKE le SHARE in kan bawm ve uh tiah kanni sawm hna. Credit: ACN News