Upadate: Nungak Sui Hlei Ṭial kum (19) ruak kawlram leiah kuat a si thlacamnak in bawm cio rih hna usih

Chin News

Ngaihchiatnak thawng- Malaysia chin ralzaam chungin thihfak tuk kan tong. Malaysia ah chin ralzam dirhmun in a ummi nungak Sui Hlei Ṭial kum (19) cu inn cungin a tla sual i a rianrannak in sizung ah an tlikpi ko nain siibawi nih khamh kho loin, mual a kan liam taak tiah kan theih.

Image may contain: 1 person

Nungak Sui Hlei Ṭial kum (19) hi Thantlang peng, Tlangte kuami a si i Malaysia ah ralzaam dirhmun in a um ve mi a si. A bantukin mual a kan liam taak cu a poi tuk hringhran. Tantakmi chugkhar a tuarzia an thiamnak hnga thlacamnak in bawm cio hna usih.

Hi kong he pehtlai in an chimmi,“Malaysia Sungai Buloh sang a ummi, nungak Sui Hlei Ṭial kum (19) cu inncung in a tla sual i zahan zaan ah sizung in mual a kan liam taak. Nungak Sui Hlei Ṭial kum (19) hi Thantlang peng, Tlangte khuami a si. Tantakmi chungkhar kan ngaihpiatpi hna,” tiah a chim.

A ruak cu sizung lei nih ṭha tein zohfelnak an tuah, aherhmi thil vialte an rel dih hnuah nihin October 2, 2020 zaan suimilam 4:00PM tluk hrawngah chungkhar neihniam le upa , mino cheukhat hna nih thlacamnak e an thlahnak an tuah kawlram lei kuat dingin Airport lai an kalpi tiah theih a si.

Atu lio cu kan theih cio bangin Covid-19 zawtnak hrirai a tamtuk lio a si caah aruak zong tluang tein kawlram lei a phaknak hnga thlacamnak bawm cio rih hna usih. Tantakmi chungkhar le hlawh cingla rualchan Pa Pathian nih an ngaihchiatnak hnem hram ko hna seh!

Leave a Reply