UN”World Food Programme Covid-19 Ruangah An Lungrethei Ve Ruangmang Cang A Poi Taktak Si

World News

Admin||04 Vaupi 27-2020||Coronavirus nih hin zawtnak le thihnak lawng silo in vawleicung ah eidin ding ti le rawl a ngei lomi a let dengmang in a karhter cang. UN’s World Food Programme ah executive director David Beasley nih UN Security Council ah video conference an ngeih lio ah a chim. Coronavirus nih hin vawleicung ah mangttam a tuarmi a let dengmang in a karhter caah rianrang in nan cawlcangh a hau tiah ralrin a peek hna.

David Beasley, Executive Director of the World Food Programme (WFP ...

Cu lawng silo in Global Report on Food Crises a voilinak tonpumhnak a ngeih lio zong ah an chimmi cu coronavirus nih hin minung tampi eidin awk ti le rawl ngeilo in a chiah cang hna tiah an chim. World Food Programme (WFP) lawng silo in a dangdang rian ttuantu hawi hna zong nih an chim ciomi cu coronavirus ruang ah eidin ding a ngei ti lomi vawleicung ah an karh chin thluahmah ti hi a si.

WFP hna nih an langhter rihmi cu nikum 2019 lio ah khan vawleicung ah eidin ding ti le rawl ai za lomi hi 135 million an rak si. A sinain a tu ah cun coronavirus ruang ah eidin ding ti le rawl ai za ti lomi hi minung 265 million bak an tling cang tiah an chim chih. COVD-19 zawtnak ruang ah hin vawleicung ngandamnak kong lawng ah silo in minung khuasak tintuknak ah hin harnak le rawhralnak nganpi khualrang in an chuak thluahmah ko tiah Beasley nih a chim.

World Food Programme Executive Director urges more funding for ...

Vawlei mipi millions tampi hna cu hi bantuk in caanhar le ttiah awk a simi phunhnih karlak ah khua kan sak cuahmah lio a si. Khat lei kam in zawtnak le thihnak nih a rialdiip cuahmah hna lio ah khatlei kam in mangttam ruang ah thihnak nih a ka a rak in aan va hoi. Vawleicung ram 50 chung in nikum report kan zoh tik ah rawl ruang ah harnak a tongmi hi za ah pahra (10%) minung in 123 million dengmang an karh cang tiah an chim.

Coronavirus could double the numbers facing acute hunger, unless ...

 

Vawleicung ram tampi hna US, Europe in India tiang lockdown tuah a hung si tik ah harnak a tongmi an karh ngaingai. Lo chung ah thlai an ciinthlak khawh tilo lawng silo in a zuar zong an zuar kho ti hna lo. An zuatkhalhmi satthil arva hna zong an zuar khawh ti hnalo tik ah eidin awk ti le rawl an i hmuh kho ti lo. Minung 183 million renglo hna cu rawl i thalo in zaan a riakmi an um cang tiah an chim chih. Ref: Mizzima

Leave a Reply