US ramdang he pehtlaihnak ah senior a simi Alice Wells nih American rammi minung 29,000 hrawng India telh in South and Central Asia Countries hna ah a ummi kirnak ding caah vanlawng 13 chiahpiak an si tiah thawngzamhtu hna sin biachimnak a ngeih lio ah a chim. Hi biachimnak a ngeih lio ah fiangte in a langh termi cu United States nih nihin ah vanzuanglawng 13 hna cu South and Central Asia India, Pakistan, Bangladesh, Nepal, Uzbekistan le Turkmenistan hna ah a ummi American mi 2,900 hna thiarnak ding caah chiah a si. India ah a ummi hna caah a hlei in chiahpiak an si.

State Department hna le an umnak hmun ah nawlngeitu hna he i bawmh in hi rian ah hin kan ttuan tti hna lai, tiah Wells nih a chim. India ramchung hmunkip ah American rammi minung thong tampi an um hna. India ram hi lockdown a si ko nain a tu tiang ah minung 1,300 hrawng hna cu an umnak nawlngeitu hna he i bawm in kirpi tthan an si cang, tiah a chim chih.

Wells nih a peh rihmi cu US cozah le American rammi nih awlokchong in harnak kan ton cuahmah lio ah hi bantuk in kan misa hna ramchung ah an kir khawhnak ding caah a kan bawmtu South and Central Asia ram kan ttuanhawi hna cung ah kan i lawm hringhren tiah a lunglawmhnak zong a langhter chih. Ref: Mzz