UNHCR Le Delhi Chin refugee Upa Meeting Ah Thil Biapi Theih Awk

Chin News

UNHCR Le Delhi Chin refugee Upa Meeting Ah Thil Biapi Theih Awk

Notification interview : Notification interview, option one or two thimnak interview cu ngol, donghter a si cang, cun option two aa thim mi pawl second interview zong a um ti lai lo, cu caah a ho hmanh notification interview, second interview ah ah kal a hau ti lo. UNHCR nih Chin ralzam zohkhenhnak cu a hlan bantuk tein a pehzulh cang lai.

Note: UNHCR nih Chin refugee zohkhenhnak a pehzulh tthan lai timi hi , Chin miphun, Chin mi an dihlak in refugee sinak a pek hna lai tinak cu a si lo, Ralzam sinak Card aa tlaih cang mi cungah a hlan bantuk tein zohkhenhnak a pehzulh lai ti nak a si, cu pin ah ralzam sinak i pom le pom lo kong tu ahcun pumpak case cung ah aa hngat.

UNHCR Card thar : UNHCR lei nih Card thar a tuah cuahmah, UNHCR card cu nikhat chung ah tampi print awk a ttha mi a si lo caah zarh 2 or zarh 3 a rau kho, UNHCR Card aa ready bak in thawngthanhnak kan i tuah colh hna lai i nan mah tein nan rak hlam cio te lai. UNHCR Card renew ding pawl tucu nan UN Card a thih hlan ah UNHCR ah kal in thawngthanhnak tuah cio uh.

Pending/ Reject Case: Refugee sinak a sok ko nain cohlan lomi, Pending le Reject case pawl vialte re-open kan tuah piak tthan hna uh, kan zoh piak tthan uh tiah Chin refugee upa lei nih halnak an tuah. UNHCR lei nih lehnak an tuah mi cu “UNHCR nih minung pakhat refugee status i pomnak kong cu a mah kalphung ning tein a pehzulh lai, Pending, Reject case pawl kong ah rule ttha tein UNHCR nih a ngeih ve fawn ko. Cu caah Pending le Reject case re-open tuah piak tthan ding timi cu an mah pumpak case cung zongah tampi aa hngat mi a si, Chin community lei nih nan chim mi kan i theih piak ko hna, a si nain Pending le Reject case pawl Card peknak, Refugee status pomnak kong tu ahcun kalphung felfai tein kan ngei.

Credit: U Cungpi

Leave a Reply