UN Leiin: NUG Cu Teinak An Hmu Cang Kawl Ram Cu Ahim Cang. Kawl Ram Mipi Caah Thawngtha Taktak Achuak. August 30, cawn ni khat ni ah tuahmi ASEAN+6 Regional Social Dialogue le NUG Online tonbiaruahnak ah ASEAN Labour Organization hna nih NUG cozah kan cohlan tiah tuanvongeitu hna nih an chim. Hi tonnak ahhin Japan, New Zealand, South Korea le Philipine ram in Labour Organization hruaitu hna zong an i tel ve.

International Labour Organization i a voi 109 nak meeting ah Myanmar democracy kongah bawmhnak pek cio dingin forhfialnak an tuahmi pehzulh in ASEAN Labour Organization hna nih NUG an cohlannak an langhtermi hi a si. NUG cohlangtu ahhin hlutdaw palai tampi zong an i tel. Cu hlutdaw palai hna nih cun anmah le an ram cozah sinah NUG Cozah cohlan dingin an hal cio fawn.

 

Tu thla, September 14 ah a voi 75 nak UN meeting pi tuah a si lai i Myanmar ram aiawhtu cozah ah SAC maw kan cohlan lai, NUG dah timi biakhiahnak an tuah lai. UN nih Myanmar ram aiawhtu cozah ah cohlan an si khawh nakhnga SAC nih siseh NUG nih siseh an i zuam cuahmah. ASEAN Labour Organization le hlutdaw palai hna cawlcanghnak nih NUG caah tampi bawmhnak a pek lai tiah Myanmar ram riantuanbu CTUM Chairman U Maung Maung nih a chim. VOA