Naite ah mipi sinin aw ann a hung um ngaimi cu, Chin state mautam mangṭam a tlunlio ah bawmhnak a haltu hi Dr. Sasa asi lo tiah a chimmi tampi kan um. Dr. Sasa hi bawmhnak a haltu a si lo tiin, biachopvai a hung um pah len.

Chin state mautam mangṭam a tlunnak kong he pehtlai in, UK MP Baroness Cox nih Dr.Sasa nih UK Hluttaw ah bawmhnak a halnak kong le dirpi nak kong thil sining fiang taktak in cathanh a chuah. Mirang ca in a ṭial i Laica in kan si khawh tawk in kan rak langhter lai.

UK MP Baroness Cox,“Dr. Sasa he kum 2003 ah kan rak i thei. Cucu 2007 Chin state miphun hna mautam mangṭam harnak an ton lioah a si. A va kir hnawh hna i Chin miphun caah a si khawh chungin mautam mangṭam harnak (report) cu cipciar te le felfai tein Dr. Sasa nih hi ka UK Hluttaw ah a rak kan pek.

“Rawl loin an tuar innnak a fah tuk caah Dr. Sasa he kan ṭap. Mangṭam harnak cu British Cozah nih aa zumhnak ding le aa fian khawhnak hnga ka miphun rak tlawng hna ulaw thil sining rak zoh uh tiin a kan sawm.

“Hmunkhatte ah Dr. Sasa he 2008 September 24 ah London cu kan chuah tak i India-Myanmar ramri ah hruaitu upa 57 hna he kan i tong. Cipciar tein Mautam mangṭam kong cu pakhat cio thil sining kan hal hna hnu ah, London ah ka kir i mautam mangṭam ruang i hartongmi hna cu a rannak (emergency)in rawl bawm hna usih tiin UK Hluttaw ah ka chuahpi. British cozah nih cun Yangon ah ummi British Tanzung sin in bawmhnak tangka £1.5 million a pek.

“Kum 7 hnu, kum 2015 ah Lailenpi, Chin State ah Dr.Sasa cu ka va tlawng. Kan pahnih cun, a miphun caah lawmhnak thluachuah a phorhmi le a hlawhtlinmi ruangah kan ṭap. Cucaah, a miphun caah zawnruahnak le dawtnak he a nunnak a pekmi cungah dokalh lo ding le al loin thla za tu nan cam piaknak lai ruahchannak ka ngei.

“Kum 13 chung bak, Dr. Sasa nih a miphun caah sii le ngandamnak cawnpiaknak, fimthiamnak le adangdang cawnpiaknak in a nunnak a rak i pe. 2015 Hakha le Chin state dangdang ah mincimh le tilet athawh lio zongah a miphun hna bawmhnak caah nunnak pek in harnak tampi a rak tuar. H1N1 le COVID-19 zawtnak a um lio zongah, Dr. Sasa le a ṭuanhawi hna nih Chin le Rakhine state sizung pawl ah N.95 mask a tingting in an bawmhnak a pek hna.

“Dr. Sasa nih a miphun le ram a dawtnak nih hin ahopaoh thazaang a kan pek. Nan dihlak in amah thazaang pek, ṭanpi le thlacamnak he nan ka bawmh cio lai tiah ruahchannak ka ngei, ka thlacamnak zong asi,” UK MP Baroness Cox nih cun Dr. Sasa dirpinak cathanh a chuah hi a si.

Uk Baroness Cox nih cathanh a chuahmi cu Dr. Sasa nih amah pumpak facebook ah a share i “Mautam mangṭam kongah biadik nih hnangam tein le zalong tein kan chia cio hraam seh. Pumpak dohnak, huatnak biachimnak le thawngpang diklo zamh cu zaangfah tein ngol cang uh,” tiah a taar ve.

Note: Mi tampi nih hi kong hi an theih khawhnak hnga SHARE rak tuah ve law, na hmuhning comment in rak langhter ve.

Admin hmurka: Chinworldnewsvening nih thawngpang kan ṭialmi hi kanmah nih kan  phuah cawpmi kan ṭialmi a si lo. Mipi sinah adikmi thawngpang zamh hi kan i  hmuitinhmi a si. Cun, thawngpang kan ṭialmi hi areltu mipi caah ṭhathnem santlaih, theihtlei ṭha siseh ti hi kan i hmuitin bikmi a si. Asinain, minung kan ti cu tlamtlinlonak tete zong a kho mi a si caah thawngpang kan ṭialmi kan palhnak a um  cun theihter khawh peng kan si.

Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih Salai J Vanduhthar Lahnin ah pehtlaih khawh peng kan si. Cun, kan ca a kan rel piaktu nan dihlak cungah kan ilawm. Upatnak he-Admin