UEFA Player of the Year Cu Virgil Van Dijk Nih A Hmuh

Sport

UEFA Player of the Year Cu Virgil Van Dijk Nih A Hmuh

Virgil Van Dijk cu 2018-2019 season chung i UEFA Mens’ Player of the Year caah thima si i, Lionel Messi le Cristiano Ronaldo cu a tei hna.

Image result for Messi

UEFA Mens’ Player of the Year voithum tiang a dong cang mi Cristiano Ronaldo le voihnih tiang a dong cang mi Lionel Messi te a teitu kum 28 lawng upa si rih mi Dutch defender Van Dijk nih hin Monaco khuapi ah laksawng a co hi si.

Image result for ronaldo

Liverpool defender Van Dijk nih hin UEFA Mens’ Player of the Year lawng si loin Defender of the Year zongah amah hi thim chih a si fawn. Cun, Nu (Women) lei ah England satr Lucy Bronze cu Footballer of the Year caah thim si fawn.

Tutan UEFA Mens’ Player of the Year caah vote an hmuh ning.1. Virgil Van Dijk (Liverpool & Netherlands- 305 pionts) 2. Lionel Messi (Barcelona & Argentina)- 207 pionts. Cristiano Ronaldo (Juventus & Portugal)- 74 pionts. A dang minung paruk cu kan rak langhter ti hna lo.

Mah Hi Van Relchih: Khrihfami Hna Le Rawltam In A Vakmi Pa Tonnak: Laimi nih sifak le rawl hal ah a vakmi hna cungah zei bantuk lungput dah kan ngeih timi hi kan Khrihfa sinak a langhter tuk taktak a si. Rawltam in rawl hal ah a vakmi pa te cu hmun khat hnu hmun khat ah a vak lengmang. Khrihfa he fa lo he an rak hrial lenmang. Khrihfami biakinn ah a phan i nungak-tlangval pawl hla cawn an dih maw a si hnga pumh an dih maw a si hnga, an rak chuah kaa te a si. Tangka a hal cio hna i ahohmanh nih an pe lo. A rawltam tuk cang i tha tein zong in a kal kho ti lo. Lam cungah a tlu.

Motor a rak phan i nu-pa nih an char i an inn ah rawl an pek i an zohkhanh. Hmun tampi ah Khrihfami hna le rawltam in a vak kan i ton caan a tampi. Nu le pa ngei lo hngakchia he kan i ton caan zong a tampi. Zoh ah zaangfak taktak a simi lamkam ah a vakmi hngakchia kan ton caan a tampi.

Zeihmanh a tuah kho ti lomi rawltam in a vakmi tarnu le tarpa tampi kan ton lengmang. Khrihfami hna nih kha bantuk minung kan ton hna tikah kan mit kan chinh kanh hna maw? Rawltam in a vakmi hngakchia pa te bantukin biakinn hmai tiang ah kan hrial tawn hna maw timi hi biahal tha ngai a si.

Lamkam ah rawltam in a vak i tangka a halmi hna khi an thathut ruangah maw a si? Tanka kawlnak lam an ngeih lo ruangah maw an si? An hmuhmi tangka an i zat lo ruangah dah a si? Mipi nih cun kha bantuk minung bawmh le tangka pek an duh tawn lo. Asinain sifah a tongmi le rawltam a tuarmi hna caah cun zoh hna tikah zaangfak tuk hringhrang an si. Zeitluk in dah lungrethei an tuar hnga i rawltam an tuar lengmang hnga timi ruahpiak hna tikah zaangfak tuk an si.

An nunchung ah lunglawmhnak an ngeihmi a tlawm te. An nunchung cu rawltam, lungrethei le harsat in caan an hmang hna. Minung kip nih ton ciomi an si ko nain lamkam a vakmi hna (a hleiin hngakchia) caah cun a fak khun i a zual khun. An dam lo caan ko ah hin zaangfak an si khun.

Lamkam ah rawl ei awk ngei loin a vakmi nufa hna ka hmuh hna hnu cun zeitluk in dah zaangfak an si timi ka theih chin lengmang. Ruahsur pah, a fate a dam lo tuk i a nu lungretheih ning ka zoh ah khan zaangfak an si ning chim thiam ding a si lo. Inn ah tin pi awk tha seh law tin pi i zohkhanh tiang ka rak duh hna.

Khrihfami hna nih cun zaanghlei cawi kan hau lengmang. Tampi kan bawmh khawh hna lo hmanh ah cikhat te an i lawmhnak le an hnangamnak a si poah ahcun kan kutsamh khawh lengmang hi a rak tha tuk. Lamkam a vakmi kip kan bawm kho hna lai lo; sifak kip kan bawm kho hna lai lo, asinain bawmh awktlak minung cu bawmh loin hrial ding an si lo.

Pathian nih a sermi thil vialte cungah thleidannak ngei loin a kan dawt dih bantukin kanmah zong nih kan ngeih ve ding a si. Laimi nu le pa kip nih kan fale zong hi sifak, rawl ei awk ngei lo le lamkam vak hna dawt hi kan cawnpiak lengmang hna ding an si.

Leave a Reply