Uar Um Kho Tuk. Ralhrang Kuttang Rianttuantu Pakhat Ambulance Pakhat I Put In CMD A Tuah

Myanmar News

Kani Peng Ah Ngandamnak Lei Rianṭuantu Pakhat Cu Ambulance Motor Pakhat He CDM A Tuah. Sagaing ramṭhen, Kani peng ah SAC ngandamnak lei rianṭuantu pakhat cu mizaw phorhnak Ambulance motor he CDM a tuah, tiah theih a si.May be an image of 2 people

December 2 ah Kani peng palik sakhan in Deputy Sergeant Soe Htet Aung cu meithal kuan 60, kutkhih cincik pakhat, cycle pakhat he CDM a tuahnak kong le December 5 ah Kani peng sii-inn ah ngandamnak lei rianṭuantu Nay Zar Aung cu Ambulance motor he CDM a tuahnak kong Anti-Dictatorship People’s Revolutionary Army(ADPRA) in ṭuanvo ngeitu nih a chim.

CDM a tuahmi hna cu anmah he aa tlak ningin laksawng an pek hna pinah umṭhut an duhnak hmun ah an chiah hna, tiah theih a si.  Ambulance cu NUG kuttang um sii-inn ah an pek i, hi hnu ah CDM a tuah dingmi hna zong lunglawm tein an cohlan hna pinah hriamnam a chiami tu cu upadi ningin tawlrel an si lainak kong ADPRA nih an langhter.

Shan ramkulh chaklei ah operation 1027 aa thawk hnu in ADPRA sinah CDM a tuahmi panga an si i hriamnam le zen-kuan he CDM an tuah, tiah theih a si. Ref: The Chin Post

Thawngpang dang: Manton Peng, Khumone SAC Ralkap Sakhan Cu TNLA Nih An Laak Hnu Ah Hriamnam An Laakmi An Langhter. Shan ramkulh chaklei, Manton peng, Khumone SAC ralkap sakhan cu TNLA nih an kah i an laak hnu ah hriamnam an laakmi social media ah an taar.

December 7, zanlei suimilam 4:30 hrawng ah Manto peng, Khumone ralkap sakhan cu Ta’ang ralkap TNLA nih an kah i an laak khawh. Cu sakhan kahdohnak ah cun 60mm hriamngan telh in hriamnam tam ngai le ralkap hmanmi thilri an laak khawhmi hna cu an pho.

1027 Operation thawk ni October 27 in nizan December 8 tiang ah Ta’ang ramkulh chung SAC ralkap sakhan 53 cu TNLA nih an laak cangnak le hriamnam tam ngai an laak khawhnak kong cu phungning tein an thanh. Cu pin ah December 7, chun suimilam 11:35 ah Kyaukme peng, Mailone peng ṭhen Laegyi ralkap sakhan cu TNLA le Moekok Byuha PDF ṭangṭi phu nih an laak. Cu sakhan kahdohnak ah cun hriamngan telh in hriamnam phun 10 le ralkap hmanmi thilri zong an laak khawh.

Laegyi sakhan kahdohnak ah cun SAC ralkap nih vanlawng hmang in kahdohnak voi 12 an tuah nain TNLA le Moekok Byuha PDF ṭangṭi phu nih an laak khawh ṭhiam, tiah theih a si.

Leave a Reply