Halkha peng Hmaikhah khua ramleng ummi hna nih CNF/CDF caah US dollar sing khat ($100,000.00) an pekchanh tiah theih si. Tutan kan dothlen lio mi ah Krihfabu, a peng le tlang pinah a khua in thazaang kan chuah cio mi hna hmuh tikah teinak lampi kan zawh cuahmah ko ti a langter caah thachia in um bak lo ding a si. Credit: Salai Williams Hlawnceu

Ca biadang: Hi Hnu Kum Khat Luan Hlanah An Dih Cang Lai!!! A tu ah hin Myanmar rampi Min Aung Hlaing le a ralkap hna nih uknak an laak hi kumkhat le thla 6 a tling cang i, hi ah hin ralhraang hna nih sualnak a ngei lo mi tiah ruah mi minung an thah mi hna hi rampi kawmh ah 2600 tluk an thah cang hna ti a si i, hi chung ah hin Chin miphun a thi mi h 180 tluk hi a kan thah ve cang tiah theih khawh a si.

A tu a dirhmun cuanh lengmang tikah cake me atleh m kh a s kocang,a tu ah hin anmah ralhrang le ralhraang zong ral veve an si cang i, an mah le an mah hrimhrim hi an i zuum ti lo, nan theih cang bantuk in a luan cia thla zeimawzat ah khan Min Aung Hlaing a tupa cu a zualhma ngaingai i, Kawl sibawi kha a zuum hna lo i, India sbaw tham tu kha a tu zoihkhenh dngin a fiak ti si khah.

A tui a dirhmun cuanh tik ah UNO ram 200 renglo ah hin 100% in a dirpi tu hi China le Russia lawng hi an si cang i, nai zarh chung i thongtla a thah mi ruan lebang ah khan cun China le russia hmanh nih UNO ah Min Aung Hlaing nih thongtla a thah mi hna ikiongah an lungtlin lonak an chim ve ti si.

Thil a chekhlat mi le mitham hna nih an tuak ning lebang ahcun hriamnam hi a ngei tthittha ti lo ti hi a si.Nan theih cang bantuk in Russia nih cun 27 July le 28/29 tiang kha vanlong a ngan taktak mi in hriamnam a rak phurh i cucu Nepidaw ah a tum i a peek hna ti a si.Hi hriamnam a phurh mi hi International Bank ah tangka thlen i kuat si lo in a tangka bak in Russia nih cun a cohlan naak kong cu nan theih cio ka zumh.

Cuhlan i a hman mi hriamnam pawl kha cu a rak i khawn cia mi a s caah a duhduh in a hman khawhnak cu a si. A tu ahcun Russia nih a peek chawm mi lawng a hman cang laiiiiiiiiii caah,cuhlan bantuk cun hriamnam cu a duhduh in a hmang ngam ti lai lo ti hi kan nih pawl hmanh nih ruah loawk ttha lo khi si. A tu ah hin State kip cuanhtik zongah a dihlak in a laa khawh mi le a uk khawh mi hi chim awk set a um lo ti khawh a si.

Cucaah kan miphun hi cuhlannak in kan i lungrual i peeknak lei zongah kan i hneek chin lengmang hna i, kan cawlcangh chin lengmang hi kan teinak ding cu a si. A tu hi cuhlan kan dohmi kan hlawh a tlinnak lam kan zulh lio a si caah hnulei chiit in kir tthan awk kan ttha ti lo.Hi hnu kumkhat liam hlan ah Min Aung Hlaing te an sungcang ti thawng nih a zulh te ko lai. Kailawm…