Thaizing Kong Ahohmanh Nih kan Thei kho lo. Nihin kan ram le kan vulei sining zohtikah harnak in a khat I, fahnak le tah aihrmanak big a zulh. Zisuh hi a rathan zau ko cang lai. USA ramah a um bal lomi Noah long zong tlamtling te in an lim cang. Zeipoah hi Jesuh chimchungmi bia an tling thluahmah ko cang.

Nihin niah USA ithimnak ah hi thildik hi khawika dah a um tiah an kawl I, I zumhlonak nih a zulh. A ho nihdah thildik hi a kalpi tihi hngalhkhawh a har. Kan president dingzong nihin nitiang kan I fiang to hna lo. Khat le khat zumhlonak nih a zulh hna. Pathian nih cun a cang laimi a hngal dih, kan chuah hlanpi in kan caah khuakhan cia le planning tein lam a kan hruai zungzal ko.

Thaizing Kong hngalchung khawhnak a kan pe lo. Khuacan belte theihchung khawhnak ni tlawmpal cu a hngal ter hna. Nihin ah thaizing kong le January ni 20 kong theihchung le hngalh chung khawh kan duh, cucu kan ruat, sihmansehlaw Pathian nih a kan pe lo tihi kan I fiang kho lo. Midang zong a pe ve hlei hna lo. Mah belte Trump khuakhannak cu tinh cia tein a um ko cang. Joe Biden si ah president sinak ka pek lai ti le ka pe lailo ti cu amah longlong nih a theih I a hngal I a timhtuah dih fawn cang.

Nangmah le keimah cu Pathian khuakhan tu hngak ko usih. Hngalchung khawh kha kan caah a herhnak a um lo. Zumhnak in kan I tah , vulei a si caah. Cunak in a tha deuhmi cu a hohidah dawtnak tling a tuah timi hi a biapi deuh. Zumhnak cu rianah lang seh. Pathian khuakhan ning in kalte ko usih. Kan caah timhcia a si cang. Cattialtu: Joseph Thawng Z Ting