U.S President Tuanmi Vialte Lakah Tuanbia Thar Tial Dingmi Biden

World News

Hi cabia rel ahcun atu U.S president ttuan dingmi Biden hi mi piangthar le Pathian a duh tukmi a si nak a lang. A tanglei cabia nih a langhter ning ahcun U.S president vialte lak ah pumh a felbik le punghman (regular) in a kal pengmi cu Biden a si lai ti a si. A tang cabia ah tling deuh in kan vun tar.

Biden vows to set 'rules of the road' on trade - BBC News

By Van N Elizabeth: Church ah punghman (regular) in a kal pengmi: America nih President an i ngeih hmasa bikmi cu Biden hi asi lai. Biden hi cu America mipi aa kan care bak ko. A biachim, a lungput le aa tinhmi vialte ttha tein zoh tikah Pathian nih America ram ca le vawleipi ca-ah hruaitu ttha aa kan pek tthan. Biden nih a chim lengmangmi cu: “Kei cu aa ka vote mi he aa ka vote lomi he America ummi minung dihlak ca-ah President ka si lai,” a ti.

Relchih: Trump a ttanhtu, Laimi (Chinmi) chung in pastor rian kum 30, 40,50 a ttuan cangmi zong nan si ah, evangelists nan si ah vawlei lei hruaitu nan si zongah bia cah kan duhmi hna cu vawlei lei cozah a simi (secular government) le Khrihfa buu (Church) hi an i uknak le i hruainak ah pehtlaihter lengmang ding a silo.

Khrihfa buu i hruainak le i cawnpiaknak zongah cozah uknak le hruainak le policy he peh tlaihter tuk ding a si lo. Bible nan rel tthan a hau lai i Bawi Zisuh i cawnpiaknak, thil tuahmi, le a nunnak pawl ttha tein nan zoh tthan a hau lai. A tak te cun, Bible nan i fiang lo tinak a si ko i, Pathian i a rianttuan ning le a tinhmi zong nan i fiang lo bia a si fawn. Nan duh ah, Ph.D le D.Min zong si ko uh, Trump le Republican party nan ttanhnak i Khrihfa biaknak le cawnpiaknak he nan peh tlaihter ning hi cu nan palh bak ko.

Theologian le scholars cauk ttialmi zong tamdeuh in nan rel tthan a hau lai. Stanley Hauerwas i a ttialmi Khrihfa buu (Church) kong cauk zong tampi in rak rel te uh law a ttha lai. Sualnak dohnak caah cozah le ram hruaitu hmang hna ding a si lo. Khrihfa biaknak dirkamhnak le kilvennak caah cozah le hruaitu hmang hna ding an si fawn lo. Trump ttanhtu pawl i nan ruahnak cu Khrihfa thathu pawl i ruahnak a si. Khrihfa mi nih cun sualnak vialte hi kanmah pumpak bak in kan doh awk a siko.

Khrihfa buu zongnih sualnak te bak kha a doh ding a si ko. Cozah a hman awk a si lo. Khrihfa i a rian, le a sullam le a tuah awk a simi nan i fiang lo. Ka manh deuh tikah ka ttial te lai ka timi kong cu, “Trump ttanhtu Khrihfa pawl nih sualnak dohdan an i palh/sualnak dohdan an thiam lo. Khrihfa biaknak dirkamh dan an thiam lo/kilven dan an thiam lo,” timi hi. Van Tum

Leave a Reply