U.S Nih Suh Kyi Le Win Myint Thlah Hna U Ti Pin Ralkap Cungah Action Lak Aa Tim Lo. A Ruang?

Myanmar News

Kanmah kan biapi bik ko Kawlram thlengnak ding ahcun! US nih Kawlram aana ting kongah hriamnam he a tuk te lai tiah ruahchannak tamtuk kan nei hna a hramthok tein. Mah cu Laikhal thluak le ruahnak deuh a si. US nih uktu ttha lo poah a tu dih hna lo. Khuafak piin an ruah ve. Aruang cu ram pakhat vatuk tikah phaisa tamtuk a dih, an ralkap tamtuk an thi ve. A dang a tamtuk rih an sunghmi. Mah cucu fawi tein a tuah lai zumh ding a silo. A ral ttihnung tuk a simi uktu tthalo zong a simi North Korea hmanh a tu lo. An rammi a tam deuh le bang nih cun ramdang tuk hi an duh nemmam lo. Aruang cu an ralkap tamtuk an thi ve.

As civil disobedience movement grows, so do efforts to shore up resistance | Myanmar NOW

Cucaah US bawmh ding i bochan lo ding i ruahchan lo ding a si lai. US nih cun “mawhchiatnak, soiselnak- nawlnak- sipuazi phihkhanh- mipi lei ah kan in dirpi ko hna, kan in zoh peng ko hna, kan lungre a thei- kan lungphang- daihnak um zau ko seh. Suh Kyi le Win Myint thlah zau hna u, sandahpiahtu pawl cu meithal hmang in kap hna hlah u, uknak pe tthan hna u” ti vial lawng in a za ko lai.

A biapi bikmi cu kanmah te cawl kha a si ko. CDM le sandahpiah hi a tthabik ko. Adang dang zong aum len ko lai. CDM kan tuah khawh peng ahcun an cawl kho lai lo, rian an ttuan kho lai lo, cozah an ser kho lai lo. Kawlram cozah pi cu anmah vial lawng cun an ser kho lai lo, an hruai kho lai lo. Aho ram hmanh i bochan ti lo ding. UN sin belte in ruahchannak cu a um deuh ko lai.

Aruang cu ram tampi komh sermi a si tik ah ram pakhat a buaimi remh cu an rian zong a si fawn. Nan UN zongnih kan duhmi taktak thlengnak tiang cu a kan bawm kho lai maw ti zong ruah a hau. Mah hlan vialte zong kum tampi a zuam len ko nan kan duhmi uknak tiang cu an kan bawm kho lo cu mu. UN ah Tuluk le Russia an um peng fawn. Asinain ramdang pawl nak cun UN cungah cun ruahchannak a tam deuh ko kan ti lai cu.

Atu hrawng radio zong nih an chim lengmangmi cu mah hlan vialte zong Kawl ralkap nih ramdang hremnak vialte cu a tei khawh dih/a lonh khawh dih ko an ti. Cucaah cun atutan teinak hmuh ding ahcun kanmah cawlcanghnak CDM le sandahpiah le a dangdang hi a tthabik le santlai bik le ruahchannak a umbik an si ko, Kawlram thlengnak ding ahcun. Saya Van Tum

Leave a Reply