U.S Nih Kawlram Kong Buaipi A Duh Taktak Ahcun UN Le N Lo A Biapi Lo: By Zasang Cinzah

Myanmar News

US nih aa timh i a tuah cangmi cu Vawleipi an holh ngam lo. Trump nih Jerusalem cu Israel khualipi a si tiah fehternak ah US am embassy cu Jerusalem ah aa tthial ko i, aho nih an holh ngam lo. Bush nih UN resolution loin Iraq a phawmh i ahodah nih an holh ngam lo.

Image result for biden

Obama nih Pakistan ram ah Osama Bin Laden cu a va thah mei ko. Aho nih an kham kho lo. Trump nih Iran general Top, Saleimani cu Iraq  ram ah a thah ko. Aho nih an cu-kha ngam lo. Cucaah US nih Myanmar Military Coup ah hmalak an duh tak ahcun UN le N lo a biapi tuk lo. An duh ahcun Min Aung Hlaing hi a inn ah an va tlaih ko lai i, IJC ah taza an cuai ko lai.

Image result for min aung hlaing

Cucaah. US congress nih Myanmar Coup hrawhnak Bill, congress ah an chuahpi lai tiah thawngpang a chuah tikah an chuahpi tak ahcun US khuasa Laimi le Kawlram mi dihlak nan biapi taktak. Nan umnak State ah Congressmen paoh kha email kua cio hram u! An mail boxes ah Kawlram kong lawngte lut seh.

US nih Kawlram kong hi biapi ah a chiah ahcun Europe le Canada tbk vialte nih an dirhkamh ko lai. US nih biapi ah a chiah lo ahcun Russia le China nih teinak an hmuh lai tinak a si i, Ralkap pawl nun Khua saunak a si lai. Cucaah US hi biapi taktak an si ko. Mahle ti khawh ning cio in colcanh a herh lio caan te a si. By Zasang Cinzah

Leave a Reply