Twitter cu an lo cang ai i ngaichih dawh an si cang

World News

Twitter ngeitu caah cun sungh zatlaknak taktak ah a cang cang ai. Naitan ah Twitter nih US President Donald Trump cu a Official Twitter Account hmang kho ti lo dingin an phih khar piak. Twitter lawng hmanh si loin, Facebook lei zong nih an phih khar piak rih.

Bob Downs 🇬🇧🏴󠁧󠁢󠁥󠁮󠁧󠁿's tweet - "No regard for Shareholders. Holding  shares in a company with a volatile CEO it's not a good idea. could this  affect your pension ? . " - Trendsmap

Twitter ngeitu cu a i ngaichih ngai dawh a si cang. Aruang cu, Twitter nih Presided Donald Trump account an thah piak hnu in $5 billion an sung cang. Trump account an thah piaknak caan hi a sau tuk rih lo nain, $5 billion bak an sung manh cang. Hi hnuah zeidah an lawh te lai.

US transition latest: Twitter bans Trump's account - Nikkei Asia

President Trump nih cun a twitter account ah follewers 88 Million renglo aa ngaih hna. A suimilam 1,2 caan chungte ah an Share Market le an stock a chukbaling in aa let manh. A hmasat ah 2.5 billion an sung manh i, atu ahcun $5 billion tiang an sung cang. Rampi hruaitu pakhat a simi, a cungah an cawlcanghnak cu anmah lila nih an zun cang ko hih!

Pence Will Break With Trump and Attend Biden-Harris Inauguration - Bloomberg

Thawngpang dang rak rel chih: Democrats party hruaitu hna nih Vice President Mike Pence cu 25th Amendment timi phung hmang in President Donald Trump cu a rian phuah an forh. Asinain President Mike Pence le Republican hruaitu hna nih an duh lai zumh a um lo. 25th Amendment timi cu a tawinak in President nih a rian a tuan kho ti lo tin Vice President nih chan khawhnak phung a si.

All 13 Texas Democrats in Congress join second Trump impeachment movement |  The Texas Tribune

FBI nih hlat-hlainak an tuahmi report an pekning ah 25th Amendment hmang in President Donald Trump an thlak sual ahcun ramchung ah meithal he sandahpiah nak a chuak lai tiah democrats hruaitu pawl cu ralrinnak an pek hna. US state 50 i an khualipi cio ah meithal he lamzawhhnak a chuah khawh caah 25th Amendment hman lo dingah ralrinnak an pek hna.

Doubts about 2020 field send Democratic party elites, donors scrambling to  find a savior - The Boston Globe

President Donald Trump a dirkamhtu cheukhat nih meithlak he lamzawhnak tuah dingah timhlamnak an ngei men lai tiah an zumh. FBI nih an chimnak ah January 17 in January 20 kar ah hin US state 50 in President Trump a dirkamhtu hna cu meithal he Washington D.C an phan kho tiah an chim.

The Democratic Party | Politics | tutor2u

President Trump cu democrats pawl nih an control mi hluttaw, House ah impeachment tuah ding in an chuahpi cang. House nih an pass lai i Senate ah an kuat lai. Senate ah senator minung 100 an um. Republican le Democrats minung 50 veve an si. Senator Cheu thum, cheu hnih hnatlaknak lawng in President cu phuah khawh a si. Cucaah democrats nih Senate an phak pi zongah President Trump an phuah khawhnak ding lam a um lo.

What are Joe Biden's fiscal and economic policies? - Marketplace

Senate meting cu January 19 lawng i thawk ding a si caah President a dinh caan le Joe Biden Inauguration a tuah ding ni cu 21 a si. Cucaah Senate zong nih impeachment tuah caan an ngei hlei ti lo. Cucaah democrat nih ram an dawt ahcun buai lo tein an kalpi a hau. President Trump zong nih dai tein ka chuak lai tiah a ti cangmi a si. Source: Salai Lairamthang

Image may contain: sky and outdoor

Breaking News: Tuzing Falam inn kanghnak ah a kal ve mi pakhat telh, minung pathum sin in COVID-19 zawtnak hmuh. 2021 January 12 zing suimilaam 3:00 le 4:00 karlak i Falam khuapi, khuachung lam aa tonnak hmun i inn kanghnak ah a kal i rian a tuan ve mi pa pakhat le minung pahnih dihlak fonh minung pathum sin in COVID-19 zawtnak hmuh a si tiah kan theih.

Image may contain: one or more people, people standing, people walking, cloud, sky and outdoor

Hi kong he pehtlai in rian ngei pakhat nih, “Atu zawtnak hmuh thar mi hi an dihlak ah minung pathum an si. An pathum ning in Falam i Tonzaang pa zawtnak hmuh mi pa he Falam Golf (kouh-ti) kun honnak ah Glof an tu ti hna. Zawtnak hmuh mi he Glof an tuk ti hna ca ah amah he aa naihniam mi poh zawtnak kan chek hna i atu minung pathum sin in zawtnak kan hmuh hi a si. An pathum ning in Falam khuachung ah a ummi an si,” tiah a chim.

FACT OF FALAM (Theihkaunak) - World Meifar

Chin Ramkulh chung COVID-19 zawtnak a chuah ka 2020 March 23 in nihin tiang ah zawtnak ngei minung 339 an si cang. Atu Falam i zawtnak hmuh mi pathum chung ah pakhat hi Falam Sipin Zung Lutlai pakhat aa tel. Zawtnak hmuh mi minung pathum hna chung ah pakhat hi tuzing inn kanghnak hmun ah a kal ve i rian zong tlawmpal a tuanpi ve hna. Cun, atu hi Sipin zung riantuan zong an dihlak in zawtnak an chek lio hna tiah kan theih.

Myanmar ram chung ah nihin tiang COVID-19 zawtnak ngei dihlak 131,186, zawtnak in a dam than mi minung 114,609 le zawtnak in a thi mi minung 2,858 an si cang tiah 2021 January 11 zaan suimilaam 8:00 ah Ramkomh Ngandamnak Zung nih a thanh. Source: The Hakha Post

___

Copyright © Chin World News Evening

Leave a Reply