Tuzing Walmart I Minung 20 A Thattu Nih Thah Nawnnak A Tuah Lai I A Chim Ta Mi Bia

US, Dallas pawng i khua pakhat Alen in suimilam pahra hrawng mongh a simi El Paso khua Walmart ah tuzing ah minung pakhat aho ti theih lomi a rak ra i, a hohmanh hrial loin meithal in a kah hna.

Minung 20 an thi i minug 26 leng nih hliam an tuar. A kahmi hna khua hi Mexico he aa ramrimi an si. Mipem tam ngai an umnak khua a si. A kah hna hlanah online ah hitihin a tial:

Texas hi Hispanic lei nih a khah in an khah hnawh cang. America rampi hi a chungin a thu cang. Mipem lo ka miphun simi hna zong thah chih ding khi si sehlaw an tam tuk ko lai, asinain ka miphun hawi American cu ka that kho hna lo. Daihnak lam in kan buainak hi phisin khawh dawh a si ti lo” tiah a ttial. Lainawng pa hi a hnu ah amah te in Police sinah a up colh.

A tang hi rel chih na caah bawmtu si hrim lai: Chantiluan kan dawi kan tinak ah kan rawk dih

Nihin kan vawlei pi cu nikhat nu nikhat a thancho bantukin minung zong kan thangcho ve. Kan thancho rual in mino tamtuk kan rawk ve. Hlan ah kan hna lawng nih a rak theihmi kha ka kut nih a tuah cang, ka mit nih ahmuh cang. Kan pawng kam ah thil tha he thil tha lo he an tling. Duh thim a palhmi le thil that lo lei a panhmi cu sual ah an tlu hna. A bikin computer le phone chan asi caah minute pakhat chungah kan kut phak cungah vawlei kan cul khawh dih kan duhduh kan tuah hna.

Minute 5 chungah kan duhmi poh kan tuah khawh cang. Cu lakah micheu khat cu phone muilang in an takpum an i hmuhsak hna, taklawng in an um hna. An hmanhthlak thur pawl cu zapi hmuh in an tar. Cucu a chan lak si an ti, kan biaknak, kan nun a rawk dih.
Atu lio ah a lar ngaimi cu taklawng in i chawnh si cang. Tihnung taktak si. Kannih laimi zong nih kan tuah lai lo tiah chim khawh a si lo. Ramdang ah cun phone le computer hmangin sex (nupa sinak) an tuah cang. An tak pum hmang in phaisa an kawl hna.

An thil an i hmuhter cang hna. Micheu cu phaisa phalh in an tuah ter hna. Hihi Satan leirawinak asi caah chungkhar zongah i cawnpiak kan herh. Kha ti , cu ti um hlah ti ah a chan lak si kan ti hoi. Mirang nun kan cawn awk hna si lo. Miphun dang nun nih kan nunphung a hrawh in a uk ding si lo.

Thanchonak a ka dontu cu hi bantuk a thurhnawnmi hmanthlak zoh le ningcang lo in nungak tlangval chawnh hi a si. Tihnung tuk, kan chungkhar cio ah a lut thluahmah cang. Kan i ralrin cio a herh. Pathian thil pekmi hi kan rawhnak ah kan hman ding an si lo. Chantiluan kan dawi kan ti nak ah kan nunphung an rawk dih, kan biaknak he kalh in kan nung cang. Hihi Satan leirawinak si.