Tuzing Khampat Dirhmun Update

Chin News

Khampat thawng. Khampat ralhrang nih an rak zaamtakmi an sakhan  hlun ah um hmun khuar dingah a rak phanmi ralhrang le mipi ralkap/ KIA cu tuhi an i kap.

An vun i kap, an vun dai pah ti in tuhi an a cawlcangh lio a si i, ralhrang  nih Mawleih lei um ralhrang sinah bawmtu ding an auh hna tiah kan theih. By William

Thawngpang dang: Ralkap Council chungtel pawl telh in ralkap Council hruaitu ngan minung 4 le hriam puaisa Company 2 hna cu EU nih phihkharnak an tuah hna tiah EU nih December 11 ah a thanh.

EU nih phihkharnak a tuah mi hna cu ralkap Council chungtel 3 a thi mi Lt. General Nyo Saw, Wanna Maung Lwin, Dr. Hmuh Thang le Karenni ram chung vanlawng kahdohnak ah ṭuanvo ngei bik a si mi Eastern Command Commander General Hla Moe hna an si.

EU nih phihkharnak a tuah mi Company pawl cu ralkap Council caah tangka a kawl piak i hriam le kahdohnak thilri pawl puaisa a tuah mi Star Sapphire Group of Companies le Royal Shune Lei Company Limited hna an si. EU nih phihkharnak a tuah mi minung le Company pawl nih an ngeih mi cu chikhat fim piak an si lai i cu minung le phu pawl nih an hmuh mi miaknak le an sipuazi hrampi cu phih piak a si lai leng ah Europe ramchung khualtlawnnak nawl phih a si fawn lai.

EU nih ralkap Council cung ah hi nak fak in phihkharnak tuah ding a um rih i hriam le kahdohnak thilri phorhnak, mipi hremnak caah an hman mi thilri pawl le ralkap pawl hman mi thilri phorhnak nawl zong phih a si tiah an thanh.

Leave a Reply