Tuzing Kahdohnak: Gangaw Le Kalaymyo Kar Lam Piah An i Kap PDF 16 An Thi i Ralhrang 1 Athi. Apoituk ee! D-Day hi um hlahselaw kan mipi zong an thi hnga lo an chungkhat le nih ka fapa hi zeitik ah dah arak tlun te lai ti khi an i bawh cio lai asinain an thih tikah an kir ti lai lo i an chungle caah ngeihchia ngai asi. Ka celh bak ve lo mi hrim hrim hi ahlan lio zongah acang bal mi asi i bantuk thil caan hi ka celh ti lo.

Thawngpang dang: Kayin ralkap KNU le ralhrang phu kar kahdohnak kong KNU nih ralhrang phu umnak sakhan an lak khawh tiah thawng theih tik ah online cung ah rianrang in tarlangh lo ding theihter nak cathanh cu KNU nih nihin ah a chuah.

“Hmunkhat ah tan pi ding in nawlnak” tiah tlangtar in theihternak cathanh an chuah mi ah kahdohnak le cawlcanghnak thawng cu online cung ah rianrang in thlah a si ah cun, kan ral hna sin ah thawngthanh cia le theihter cia bantuk a si caah ral kan doh cawlcanghnak ah KNU nih a tuah ding mi timhtuahnak vialte hnahnawhnak a pek khawh tiah an langhter.

“Tuahkel ahcun KNU le ralhrang phu kar kahdohnak a chuah hnu ah ralhrang phu hna nih vanlawng he bomb thlak hnawh in kah nak le anmah ralhrang phu bawmtu minung an thlah tawn. Cu ruang ah KNU nih chungtel ralkap vialte kahdohnak a dih hnu a humhimnak hmun an phanh than tik lawng ah online cung thawngzamh ding in kan in nawl hna” tiah an langhter. The Irrawaddy