Tuzing Bus accident Mi Ah Hliamtuar Mi Hna An Dirhmun Update

Chin News

Tuzing Thangtlang-Hakha karlak vanchiatnak a cangmi thawngpang theih cu ngaih a chia i, lung a ttha hrim lo. Tuzing Thantlang-Hakha kar a suaimi Chin Taung Tann Bus accident nak ah minung pahnih an nunnak a liam i, a dang pariat nih hliam an tuar tiah thawng theih a si. Atu tiangah Bus accident a tonnak a ruang hi theih khawh si rih lo.

Image may contain: 1 person, sitting

“Chin Taung Tann motor lehnak in hliamnak a tuarmi hna hi Thantlang sii-inn ah minung 5 an thlop hna i, a dang pathum minung 3 hi Hakha ah an lanh pi hna,”tiah thawng kan theih. Nunnak a liammi chungkhar Bawipa nih nan ngaihchiatnak in hnem ko hna seh. Hliamtuar in sii-inn ah aa zohkhenh mi nan dihlak Bawipa nih damnak he lam in hruai cio hna seh.

Image may contain: one or more people

Relchih: Tuzing Thantlang le Hakha caan hman tein a kalmi Chin Taung Tan Bus accident nak minung pahnih an nunnak aliam. A nunnak aliammi hna hi Thantlang khuami Nu Sui Tin Thluai le Thantlang peng Tahtlang khuami Sung Sung an si tiah theih asi. Cun ai hliammi hi minung pali an si hna. Motor mongtu zong a ke akiak tiah theih asi.

Tuzing ah accident atongmi Chin Taung Tan hmanlung ah hin minung pariat an cuang ti asi. Accident atong hnu suimilam pakhat tiangah motor a zultu handleman zong an hmu kho rih lo tiah an chim. Mah motor Chin Taung Tanhmanlung cu Tlangpi khuami Hakha um, Pu Chum Ling motor asi tiah theih asi.

Thil a caan ning cu hitihin a si. Tuzing suimilam 7:30 tluk ah Thantlang in tlawmpal hei lonh deuh Thang Hrim sia zuatnak pawngah atu bantukin accident atong hi asi. Lamtlang ai lehnak hi pe 300 hrawnghrang asi lai tiah an chim. Zeiruangah dah accident aton ning hi a simi timi aruang an thei kho rih lo.

Hi bantukin Ngeihchiatnak atongmi chungkhar siseh, Hliam atuarmi caah siseh, sungh zatlaknak atongmi chungkhar vialte an dih lak caah thlacamnak in bawm cio hna usih. Lung a ttha hrim lo.

Leave a Reply