Tuzan Myanmar Idol Zuamnak Result Nih Kalung A Ka Tuai Ngaimi Pakhat: Tuzan ah Myanmar Idol nih vote result an van thanh cu kan Chinmi chungin an pathum ning tein Top 6 ah an kai tthan cu lunghmui kho tuk. Benjamin Sum cu Bottom 3 ah a tthu kho men tiah an chim nain hnangam tein Top 6 ah a kai tthan kho. Cu bantuk tthiam in kan hnu zuamnak Bottom a tthu cang mi Esther le Uaw Kee zong hngngam tein an kai tthan.

Benjamin Sum balte  atutiang vote tlawmbik 3 ṭhutden ah a ṭhu bal rih lo, Direct in a kai colh peng. A aw ttha taktakmi Aye Mya Phyu cu kan hnu zarh he tu zarh he vote tlawmbik pathum tthutden ah a tthu. Amah hi winner ngah khotu asi ve tiah mi tampi nih an zumhmi asi nain atu ning te cun a caah ruahchannak a tlawm ngai.

Tu zaan vote tlawmbik pathum tthutdenh ah Aye Mya Phyu he a tthu ve mi minung pahnih cu Moo Ler le Htet Inzali an si. Anmah pathum lakah vote tlawmbik mi Htet Inzali a tla, i Aye Mya Phyu le Moo Ler cu an kai tthan. Atu tiang thil sining zoh tikah Chinmi pathum lakah pakhat paoh cu Grand Final tiang phak khawh dawh an si. An aw zong a ttha ve hrim i winner zong si khawh si.

Tuzan Myanmar Idol zuamnak result thanhnak i Aye Mya Phyu nih ka lung a ka tuai ngaimi pakhat um. Cucu kan theih cio dih bantukin Aye Mya Phyu cu an lak ah a thiambik dirhmun ah um ti usih law kan palh lai lo, Kawl miphun asi pinah hawinak in a thiam i, vote le dirpi tu zong kanmah Laimi nak cun a ngei deuh lai ka ti, nain a pehtlai tein a niambik tthutnak Bootom 3 ah a tthut tthan mi hmuh tikah ka ar ko.

Mah nih a fianter ngaimi cu kanmah chinmi pathum lak zongah an thiam ko tiin hnangam awk an ttha hrim rih lo. Myanmar Idol nawlngeitu hna nih an kalpi ning hi aa phundang ngaiin ka hmuh ko. Hlasak ko ko ahcun Aye Mya Phyu tluk mi cu an um rih lo nain Bottom 3 voihnih khelte bak an tthutter mi nih ka lung a ka tuai ngai ko hih. Kan nau le pathum thazaang pek tu hi daithlang hna hlah usih. Lawmhnak he Pa Khum. Credit: Pa Khum