Rock Week ah Uihlaihli sente bang kan Rock: Tuzarh Rock Week cu va rock bak ve ding ah kai tim nain relrem lonak cheukhat ruang ah ka rock pi manh lo. A langtlang, ka zaupathluang tuin ka rak rock taktak ve. Kan mawh lo. A zohmi paoh tlawmpal te tal cu kan rock dih lai tiah ka zumh.

Tuzaan kan hla thimmi hi Kawl hlasakthiam Connie nih a rak sakmi “Na Thinlung Kha Run Hung Tuah” timi hla a si. A hramthawk te ahkhan “Hey Tlangval, ka thinlung na turter hih” tiah kan van thawk. Khu cukmak in kan hun rock khah. Donh hlei cungah kan thuamsen te he khoimaw Uihlaihli va sente khibang, kan aw-an nih Myanmar Idol Zuamnak chumtual a tlirh dih. Judges pawl zong an hun con nawn ko rua ka ti. An chan lailio Rock kha an mitthlam ah a cuang lai.

A ngaingai ti ahcun Rock lei cu kan kalci a si deuh lo. Asinain tuzaan cu Lai nusal maw kan si lo tiah kan thiamnak chuah in kan hun rock. Kan hnuzarh ahkhan Vote tambik cotu kan si. Tutan zong mipi nih thazaang bungh in vote tampi kan hmuh rih lai tiah kan zumh. Kan tta le Sum Sum le Yaw Kee zong tuzaan an za tuk hringhran. Sum Sum nih, “Ka Kal Lai, Ka thlauh hlah” timi a hun sak ahkhan Kawl Nungak cheukhat rilh an i tim. Yaw Kee samthlairem awtha nih khuaruahhar in tual a chilh.

Umm. Thaizaan ca ah hnangam a si. Tan Khun Kyaw belte tuzaan a aw aa tuah sual deuh rua ka ti. Myanmar Idol cu Chin mi nih kan khar. Kan tei lai. Chin Idol in Myanmar Idol ah. Tial Hram Ling

https://www.facebook.com/114798679923835/videos/2534895526592401/