Tutan US Ramchung A Tlung Dingmi Thiamsang Hna Chimnak Cu Tuksum Bak Si Cang

Chin News

Tutan US Ramchung A Tlung Dingmi Thiamsang Hna Chimnak Cu Tuksum Bak Si Cang: Khah ralrin taktak kan herh cang, kan dirhmun nikhat hnu nikhat in tthat lei si loin chiat lei tu a panh chin lengmang cang. Cucaah daithlan awk kan ttha ti lo. Jusisdictions nih thanhnak an tuahmi ah US ramchung states 38 ah Corona Virus hi an hmuh cang. Atu nak in a karh chin rih lai caah US ramchung hi zawtnak a tambik le a karh bikmi si te lai,”tiah ruah asi.

Image result for coronavirus usa

Cu bantuk dirhmun a phan sual lai timi an phan caah sianginn tampi an khar i, abuu in umnak hmun zong an khar rih. Cun, hngakchia zohkhanhnak Childcare centers hna tiangin an khar lai caah nu le pa rianttuan thiam loin um caan a phan te lai. Cu lawng si loin rianttuannak company tampi ah rianttuantu an bau te lai i, rian zong tampi an dinh tak te lai. Mi tampi umnak hmun paoh an khar lai caah tthutdirnak caah harnak a chuak sual te lai timi hi an phan ngaingai mi pakhat si. Cu bantuk cun Public School siangiin le Private sianginn hna zong an khar cuahmah lai. Um kalnak bus hna zong voidang bantukin an kal um ti hna lai lo. Nursing home tampi an khar cang i, atu zongah khar rih lomi an khar tthan hna lai. Cu cu a poi bikmi asi.

Image result for coronavirus usa

Cu pin ah Khrihfa mi hna Pathian kan thangtthatnak hmun Biakinn hna tiangin an khar len cang. Zapi um kalnak hmun paohpaoh nikhat hnu nikhat in an khar cang lai. Publice office hna zong an khar lai i, Airport hna zong an khar lai,”tiah zumh asi. Event tampi hna zong an cancel dih cang i, Baseket ball game celhnak hna tiangin an cancel cang hna. Hi tlukin ralrinnak a um ko hnu zongah hi Corona Virus zawtnak hi a karh lai i, siizung rianttuantu hna caah rian har le thinphang taktak si lai.

Cu hnu ah anmah Nurse lila zong an i chawnh lai i, hi Covid 19 zawtnak nih hin US minung tampi nunnak a liam lai i, minung tampi nih hi zawtnak an ngei kho. Atu bantukin a kal ko ahcun tiah,” CDC Covid-19 lei nih thanhnak an tuah. An ttih khunnak a ruang cu hi zawtnak damhnak ding caah zeibantuk sii hmanh an siam kho rih lo. Cun, pakhat le pakhat i chonh khawh lo nak sii zong an siam khawh rih lomi hi si bik.

A ttha bikin ralrinnak cu mi zapi um kalnak ah kal lo le um lo i zuam. Cun, nangmah hrimhrim kha thianghlim tein um khawh peng i zuam. Sianginn kai lo ding an in ti hna ahcun Library zongah kal loin inn te ah um khawh peng i zuam. Gym zongah kal rih lo a ttha. Rianttuanmi kan si ahcun kan rianttuannak hmun zongah ralrin taktak in um kan hau. Rian zong dinh chung awk a tthat ahcun i dinh chung rih ding asi. Cu bantuk cun cheukhat company cu rianttuantu hna nih an chuah tak te lai i, minung tampi an herh te lai. Hlawh tampi an in kamh te lai i, ralrin taktak a hau te lai. Ref: CDC

Leave a Reply