Ruah chukcho awk: 2018-2019 season UEFA Mens’ Player of the Year caah thim Cristiano Ronaldo vote hmuh mi cu zaangfak lei khi a si. Lionel Messi le UEFA Mens’ Player of the Year co tu Virgil Van Dijk nih an tei taktak khi si.

Kan theih bantukin 2018-2019 season chung i UEFA Mens’ Player of the Year caah thim mi hna chungin Liverpool le Netherlands defender simi Virgil Van Dijk nih a thiambik laksawng a hmuh pin ah Defender of the Year zongah amah hi thim chih a si fawn.

Virgil Van Dijk cu 2018-2019 season chung i UEFA Mens’ Player of the Year caah thima si i, Lionel Messi le Cristiano Ronaldo cu a tei hna. Tutan ah UEFA Mens’ Player of the Year voithum tiang a dong cang mi Cristiano Ronaldo vote hmuh mi ning cu zumh lei ding khi si lo. Van Dijk le Lionel Messi nih vote hrimhrim in an lonh taktak khi si. Tutan UEFA Mens’ Player of the Year caah vote pek ning cu a tanglei bantukin si.

1.Virgil Van Dijk (Liverpool & Netherlands- 305 pionts) 2. Lionel Messi (Barcelona & Argentina)- 207 pionts.3. Cristiano Ronaldo (Juventus & Portugal)- 74 pionts.4. Sadio Mane (Liverpool & Sebegal)- 51 pionts. 5 Mohamed Salah.(Liverpool & Egypt)- 49 pionts. 6 Eden Hazard ( Chelsea/Real Madrid & Belgium)- 38 pionst. 7. Matthijs de Ligt (Ajax/ Juvenrus & Netherlands)- 27 pionts 8. Frenkie de Jong (Ajax/ Barcelona & Netherlands)-27 pionts 9.Raheem Sterling (Manchester City & England)- 12 pionts.

Thazaang Tampi An Pek Ve Hrim Lai: Zeibantuk Minung Dah Ka Si? Zeibantuk minung dah na si i zeidah na zumh ti kha na hngalh ahcun hneknak na ton tikaha a ṭhami biakhiahnak na tuah khawh lai.

NANGMAH SI LAW ZEITINDAH NA TUAH LAI? Mah thil sining hi na mitthlam ah cuanter hmanh: Karen cu nuamhsaihnak puai ah a phaknak minit pahra hmanh a rauhhlan ah a hnulei in a theih tukmi aw pakhat kha a theih.“Ziah, mah kaa ah cun na dir ko?” Karen cu a hnulei ah aa mer i a hawinu Jessica kha a chin on kami beer thawl hnih he a hmuh. Jessica nih Karen kha beer thawl khat a pek pah in “ka ngakchia tuk rih, ti hlah mu” tiah a ti.

Karen nih al a duh ko nain Jessica cu a hawi a si fawn. Nuamh a thiam lomi tiah a ti ding zong kha a duh lo. Cun Jessica cu nu ṭha pakhat a si. Mah a dinnak thawngin zeidah a cang hlei lai. ‘Beer din pei a si ko cu. Ritnak siivai hmanmi hmanh a si ṭung lo’ tiah Karen nih a ruah. Nangtah Karen bantuk thil sining na ton ahcun zeitindah na tuah lai?

RUAT THAN: Mah bantuk thil sining ah a ṭhami biakhiahnak tuah khawh awkah zeibantuk minung dah ka si i zeidah ka zumh ti kha hngalh a hau. Cutin na hngalh ahcun midang nih na cungah huham an ngei kho lai lo i nangmah tein biakhiahnak na tuah khawh lai.​-1 Korin 9:26, 27. Mah tein biakhiahnak tuah khawh awkah zeitindah na tuah khawh? A hnuah aa telmi biahalnak hna kha phi law tuahchun hmanh.

1. KA ṬHATNAK CU ZEI HNA DAH AN SI?: Thil ti khawhnak le sining ṭha hna ngeihmi hngalh­nak nih mahle mah i zumhnak a ngeihter. BAIBAL CHUNG I ZOHCHUNHAWK: “Phungchim cu a thiam lo zong ka si ko lai, sihmanhsehlaw hngalhnak ah cun ka niam deuh hrimhrim lo” tiah lamkaltu Paul nih a ṭial. (2 Korin 11:6) A hngalhmi Baibal fimnak thawng­in ralchanhnak hna a ton tikah fek tein a dir kho. A ṭhatlonak in chimmi bia ruang­ah amahle amah aa zumhnak a zor lo.​-2 Korin 10:10; 11:​5.

NANGMAH LE NANGMAH I DOTHLAT. Pahrang na ngeihmi asiloah na thiammi pakhat kha a tanglei ah ṭial. Atu na ngeihmi sining ṭha pakhat kha ṭial. (Tahchunhnak ah, zohkhenh a hmangmi, a siangmi, zumhawk a tlakmi, caan a upatmi na si maw?)

2. KA CHAMBAUNAK CU ZEI HNA DAH AN SI?: Thir cikcin pakhat ah aa pehnak kual hna cu a chambaunak a si bantukin kan chambaunak zong nih kan ruahnak ningin um peng khawh ti loin a kan umter khawh.

BAIBAL CHUNG I ZOHCHUNHAWK: Paul nih a chambaunak kha a hngalh i hitin a ṭial: “Ka chunglei mi cu Pathian phung ah khan aa lawm; sihmanhsehlaw ka chung i phung dang a rak um ve kha ka hngalh​, cu phung cu ka lung nih a ṭha a timi phung a rak dohtu kha a si. Cu phung nih cun, ka pum chung i rian a ṭuanmi sualnak phung sal ah khan a ka ser.”​Rom 7:22, 23. NANGMAH LE NANGMAH I DOTHLAT. Zei na chambaunak hna dah na tei a herh?

3. KA HMUITINH CU ZEIDAH AN SI?: Taxi pakhat kha hlangin datsi a dih tiang hmunkhat lawngah atu le atu na helter lai maw? Cutin tuah cu hruh a si lengah phaisa sawksam zong a si! Zeidah kan i cawn khawh? Hmuitinh na ngeih lo ahcun nunnak lam na tlau lai. Hmuitinh na ngeih ahcun mah kha phanh khawh awkah zeitindah ka kal lai ti kha a hlankan in naa timhtuah lai.

BAIBAL CHUNG I ZOHCHUNHAWK: Paul nih hitin a ti: “Ka tlik tik­ah tinhmi kawl fiang tein ka ngei.” (1 Korin 9:26) Paul cu nunnak ca lawng kha biapi ah ruat loin tinhnak a ngei i mah aa tinhnak ningin a nung.​—Filipi 3:12-14. NANGMAH LE NANGMAH I DOTHLAT. Hmai kum chungah tlinh na duhmi hmuitinh pathum kha ṭial.

4. A FEKMI KA ZUMHNAK CU ZEIDAH A SI?: Thlichia fakpi in a hran lioah a hram thukpi in a thlami thingkung Zeibantuk minung dah ka si ti kha na hngalh ahcun thlichia fakpi in a hran lioah a hram thukpi in a thlami thingkung bantuk na si lai

A fekmi zumhnak na ngeih lo ahcun lungawṭawm in na um lai. Mah tein i tlaihmi na ngeih lo ahcun a rong a phunphun in aa thlengmi kinglang bantukin ṭhirual hna lakah na si lai. Mah canah midang nih zei an tuah hmanhah a fekmi na zumhnak ningin na nun ahcun zeibantuk minung dah na si ti na langhtermi a si.

BAIBAL CHUNG I ZOHCHUNHAWK: Profet Daniel cu kum hra fai a si lioah a nulepa, zumtu hawi pawl he aa hlatnak hmunah a um ko nain Pa­thian nawlbia kha a zulh i ‘i thurhhnawmhter lo awkah bia a khiah.’ (Daniel 1:8, NW) Cuticun i zumhnak a ngei. A fekmi a zumhnak ningin a nung.

NANGMAH LE NANGMAH I DOTHLAT. A fekmi na zumhnak cu zeidah a si? Tahchunhnak ah: Pathian na zum maw? Na zumh ahcun zeicah na zumh? Zeinihdah Pathian a um taktak ti kha aan zumhter? Pathian i ziazalei phunglam hna nih a ka ṭhathnemh tiah na zum maw? Na zumh ahcun zeicah?

A fakmi thlichia nih a hranh hmanhah fek tein a dirmi thingkung he i lawh na duh maw? Asiloah thlizil nih a hranh menmen in a ṭilmi thinghnah he dah i lawh na duh? Naa tlaihmi kha a feh nakhnga tuah. Cutin na tuah ahcun fek tein a dirmi thingkung he naa lo lai. Mah lengah Zeibantuk Minung Dah Ka Si? timi biahalnak i a phi kha hngalh awkah bawmtu a si lai. Ref: jW.ORG