Tutan Thangtlang No 3 khuabawi Pu Tum Bik kong an chimmi cu mipi thinlung a suk hringhran ko. Laimi cungah mah bantuk ruahnak angeih hi cu apoi hringhran ko. Thantlang No 3 Khuabawi Pu Tum Bik hi naite kan naunu Malaysia ah a nunnak a liammi ruak an tlunpinak kongah a hmuhning le aruahning cu zapi nih kan theih dih cangmi asi caah tampi kan chim ti lai lo.

Kannau nu thihnak kongah Thantlang No 3 khuabawi Pu Tum Bik cu Laimi vawlei cung a ummi vialte nih kan theih dih cang mi asi. Tthenkhat nih cun fak ngaiin atthuami zong an um cang. Cun bochanmi pakhat le bang nih cun chai in cheih ding tiah arak ti cang. Hi konghe pehtlaiin tutan ah Thantlang No 3 khuabawi Pu Tum Bik thiltuah ning cu amak ngaingai khi asi.

Kawlralkap nih february nikhat in uknak an lak timi cu kan theih dih i, a tuhi Kawlralkap nih uknak an lakmi ramchung mipi hna nih biatak tein dohdalnak an tuahnak in ni 14 ahung si cang. Duhlohnak langhter ruangah a nunnak aliammi zong an um cang timi zong kan theih dih. Asinain kawlralkap uknak cu mipi nih adih dongh tiang kan doh lai tiah hmunkip in an chim cio.

Duhlonak alanghtermi hna cu Kawlralkap nih a thlithup in an tleih hna lawng siloin duhlonak alanghtermi chungah hohdah nan hruaitu a si timi sungthoh an i thlah i, mipi an ngiat thlai hna. Kawlralkap nih misual thongtla pawl an thlah hna i, inn lo khangh le, mithah, ttihnung poison angeimi sii in mipi an fial hna tiah thawngpang aleng cang. Kawlralkap an thiltuah ning hi mipi an lunghringtuk cang.

Kawlralkap nih sungthoh an thlahnak konghi kanmah Thantlang Hakha ah biatak tein ralrinnak zong an tuah cang. Nan hruaitu hodah asi tiah pakhat hnu pakhat in biahalnak atuah hna ti asi. Hi kong zongah biatak tein iralrin ngaingai ahau cang. Acunglei konghe pehtlaiin tutan ah Thantlang No 3 khuabawi Pu Tum Bik thiltuahmi an phuan mi cu a tanglei bantuk in hin asi.

Thantlang No 3 khuabawi Pu Tum Bik nih palik sin ah mino tete konglam hna cu report apek hna tiah thawngpang theih asi. Cu lawng siloin amah bak nih a zulh mi hna zong an um tiah theih rih asi. Hi konghe pehtlaiin laimi biazai phan thiam kan ngeihmi minthang le tulio ramchung buainak kongah biatak tein a cawlcaangmi Nusung nih atimi cu Thantlang Oh Ka Tthah Tum Bik I Zoh tiah alanghter chih. Thantlang ah palik sinah mino tete report ape tu asi tiah thawng an kan thanh. Amah nih a zulhmi hna zong an hmuh tiah alanghter chih. Chirhchan: Nusung Htg-Nunu