Tutan Paih Cu Championship A Co Mi Lawngte An Si Lai Caah A Ralchia Mi Cu An Ttul Te Lai

Sport

Tutan Paih Cu Championship A Co Mi Lawngte An Si Lai Caah A Ralchia Mi Cu An Ttul Te Lai

Image may contain: 3 people, people smiling, people standing and indoor

Nuam bak ko lai hih: Dallas in Champions paih ah a pai ding mi: 1. Uk Ling Thang 2. Kap Tawng 3. Mang Cung Lian

Image may contain: 5 people, people standing

Tutan paih cu championship a ngah bel mi lawng te asi lai caah a ralchia mi cu an ttul te lai. Nain pasal tiah ka champion sinak ka dirkamh lai ati mi paoh an chuak te lai. Champions Paih cu Aug 31 ah Dallas ah tuah a si lai. Ahmun a zoh kho lo mi nih Pay Per View in www.ccnchannel.net ah zoh khawh a si te lai. Ref: CCN

Image may contain: 1 person, outdoor

A Tang Hi Rel Chih: Kan Ram Sernak Dingah Kan Lungput Remh Le Thlen Hmasa: Furpi a phaan cuahmah. Thindomh in zaan ah thinthi lo an tam ngai lai, kan ram hei cuanh ah ngaih a chia, lung a fak. Eidin a har, rawl man a kai thluahmah rih lai. Kan sul le lam nih an fek lo, Kat-100 si lo in Kat-10 hrat cu thli le ruah tlawmpal a hraan men ah an kan rawh taak. Lungpi cung innsak lo hrat cu runrep lo kan inn nih a tuar kho lo. A rawk i a cimmi kan ram kan zoh ah vawleicung a nuambik ram in a hnangam kho lomi kan tampi.

Image result for hakha

RTC chan tlawmte ka tenh, i Thomas Tial Uk nih GMC mawtaw in khual kan tlawn i a thlathla in kan rak rauhnak hla in a phuah, a sak. Cu chan kan lonh i kum zabu 21 chung i kan ram ah a tlungmi harnak pawl hi cu pahchih ngam ding a si ti lo. Zeitindah kan kilven lai, kan ser than lai asiloah zeitindah kan remh lai ti hi ruah cio a si cang.

Cu hlan ah cun kan sining nih a rak chit lomi thil a rak tampi kho men i pumpak hlawknak pin zeihmanh kan rak tuak kho men lai lo. Cu bantuk in a miphun le ram hrang nakin a khua le peng caah kan rak ruah deuh nak a ruang zong hi kan ngeihmi a rak tlawm, kan theihmi a rak tlawm, kan hmuhmi a rak tlawm pinah kan ngeihmi ram le miphun kan rak hngal in kan rak hmu kho lo. Nationalism timi miphun dawtnak le ram dawtnak a takin kan rak hngalh lonak nih thil tamtuk a rak kan sunghter i cu vialte cu kan hrawh dih hna.

Kum zabu 21nak chung ah kum hra avoi khatnak lawng kan lonh rih nain Mautam, Lairam i a fakbik a simi lihninh, leiminh le mualphonak phunphun nih a kan phak. Cikhat ka ruahmi cu Laimi hi tthancho le rum kan celh lo an timi hi kan ram zong nih a celh rua lo hi teh timi a si. Phundang in nan ruah sual lai, rum kan celh lo timi hi rum kan thiam locaah a si i rum kan thiam lonak hi a ruang tampi lakah kan rum daan a hmaan lo caah a rak si kho ve. Cu bantuk in kan ram zong nih a thancho daan dik kho bak rih lomi thlennak hi a tuar kho ve lo.

Miphun le ram hi pehtlaihnak an ngei peng. Ram tha tein kan zohkhenh lo i kan peem taak tuk tikah kilvengtu a ngei ti lo i RamKing ah ai chuah. Cu ram ah zeidah a cang ti hngal a harmi a phunphun, dam khawh ti lomi sahrang sinak a ngei kho. Cu bantuk in a chung ummi miphun kan i dawt lo i kan i thenthek tuk tikah ram nih a kan celh lo. A hlaan ah cun sul le lam kan rak ngeih lo caah holh idannak le khua khat le khua khat i remlonak a chuahpi tiah kan ti nain cu kan theih i kan hngalhmi a kong cu remh kan i timh lo tikah lam le sul thar nih an tuar kho lo.

Nihin tiang bible lei le vawlei lei timi cawnnak sang tampi a ngeimi zong an tampi cang i a zeilei paoh in vawleicung ah kan hmaihngal kho ve aa timi miphun kan si cang. Cutin a si nain zeiruangahdah kan thancho ning hi a hmaan rih hnga lo? A tuan tuk maw, kan no tuk rih kan ti hoi hnga thla? Zeiset hi dah nihin ahhin kan miphun nih hmai kan i hngalpi i a zeite hi dah a baumi a si hnga?

“Change” timi cu 2008 ah Obama nih a rak dirpi i president tlinnak ah a rak hman. USA le vawleipi pehtlaihnak thlen a rak i tim. Asinain Lairam nih asiloah Laimi nih thlennak hi kan herh ve maw, ti biahalnak kan i tuah cio. Herh tuk ee, kan sining le kan ram dirhmun hi thlen hrimhrim a herh tiah mi tampi nih fekte in kan dirpi. Mah zawn te hi cu ruah than a herh ko rua hlah maw.

Kan miphun sinak le lungput hna hi thleng lo in remh a herhdeuh ngai, aruang cu kan sinak hna kan thlen tak ahcun Laimi kan si ti hnga lo i kan lungput hna kan thlen ahcun Laimi lungput a si ti hnga lo, i thlachiat ruahnak kan ngei kho ti hnga lo. Remh kan hau. Kan ram zong Hong Kong, Singapore, Switzerland le Norway ah kan thleng kho lai lo. Asinain cu hna ram bantuk in remh le ser khawh cu a si ko lai.

Kan miphun le ram ah aa thlen cang awk a simi aa thleng rih lomi, aa thleng khomi thil a tampi ve ko lai. Asinain a tamdeuh cu kan remh le tthadeuh in ser a herhmi an si lai. Cu hna lakah pakhat cu MP pakhat nih MP rian ttuan kho lo in MP sinak lawmh in a caan a dihmi le lawmhnak ah a dihmi satil le phaisa a dihmi hi ruat in kan sining le kan khuaruahnak remh a herh.

Laimi nih nihin tiang kan dirhmun le sinak hi kan tuah khawhmi le kan rian nakin kan i buaipi peng rih caah zei rian hmanh hma a kal kho rih lo. Hi nun hi cu kan i remh a herh ngaingai. Nihin i kan miphun lakah B.A, M.A, PhD. an tampi ko nain zeidah an tuah? A tlawmbik in an chungkhar tel ah thlennak le tthanchonak an chuahpi lo cun zeidah a min cu an i tuahnak? Cu an lakmi degree, rank le dirhmun an lawmhnak ah ngeihchiah tu a dih.

Kan sining i uanpi, i lawmhpi le i umpi nakin rian kan tuan a herhdeuh cang. Riantuan kho lo tiang le tuan caan ngei kho lo tiang in sining le dirhmun ah buai caan a si ti lo. Mah cu kan i remh a herh. Riantuan caan a phak tik zong ah dinfelnak tello in pumpak asiloah pengtlang hrang men ah ruah ahcun thanchonak dik a chuak kho lo, sau a nguh lai lo. Kan khuaruahnak, kan lungput le kan tuanmi rian hi kum thong a hmunmi, a phanmi si ding ah i thlen, i remh a herh tukmi caan a phan cang. Kan huat tukmi Ralkap uknak chan bantuk in kan um ti awk a si lo.

Thlen khawhmi sining a um bantuk in thlen khawh lomi a tampi. Kan sul le kan lam, kan innsak ning le khuaram kan kilven ning hna hi thlen khawhmi thlen i remh khawhmi cu remh ding a si. Asinain cu vialte lakah a biapibikmi thlen ding asiloah remh awk a simi cu kan lungput hi a si.

Kan lungput hi thlen khawh zong a si i remh khawh zong a si. Miphun dawtnak ngeihnak ding ah i thlen khawh a si, i remh khawh a si. Miphun kan dawt ahcun ram kan dawt. Ram thanchonak rian kan tuan lio ah miphun dawtnak lungput kan ngeih lo, kan i remh lo a si ahcun kan sermi, kan remhmi le kan thlenmi ram hi these cung innsak he aa khat ko lai. Nihin ah kan khua le ram an cim, kan lam zawh awk tlak lo in tilu nih a fenh hna i kan runinn hna an pur. Mah hi dawtnak aa tel lomi riantuannak a si. Dawtnak cu Pathian a si. Ref: TCT

Leave a Reply