Tutan Kawlram Buainak Kongah Ramleng Um Mi Nih Kan Tuah Khawh Dingmi Pahnih

Myanmar News

Ram Leng Ummi Nih CDM Caah Kan Tuah Khawhmi! 1. Phaisa tam nawn in thawh ding. 2. Twitter account tuah ding. Follower 100 hrawng ngeih dingin kan i kawl lai. Kawlram kong kha tweet peng ding. Nan ṭial tikah “whatishap pening in myanmar” tiah ṭial chih ding. A ruang cu vawlei cung minthang le zung rian ṭuantu pawl nih FB an hmang tuk lo.

Image result for myanmar CivilDisobedience

Twitter tu an hmang deuh. Kan sining vawleipi nih a theih khawhnak ding ahcun Twitter kan hman a hau. Trend a kai thluahmah ding in kan tuah a hau. 3. Facebook, Messenger le Viber hi ram chungah a him tuk ti lo, information a chuak ton, cucaah signal (or) boss revolution kha rak hmanter hna u law contact tuahnak ah a him bik.

4. Ram leng ummi nih duh lonak ah kan si khawh chung in i tel ding. A donghnak a biapi bikmi cu “Prayer is the best weapon” “Lungthin biatak in kan ram caah thlacam peng hna u sih” We have to win this fight. We will fight till the end. Laknak: Siang Sawmhal

Relchih: US nih Kawlram hi a kah kho maw? Hi kong ah a buaimi kan tampi caah thil pahnih zohchih in US nih a duh cun zeitik caan poh ah Kawlram ralkap hi a tuk khawh ko timi kan zoh lai. 1. U Than Shwe hruaimi ralkap nih kum 15 chung an suaimi 2008 upadi kan zoh tikah Upadi Dal 1 nak pohma 42(b) ah a ummi cu Kawlram chung ah ramdang ralkap or hriamtlai luh lo or um lo ding tiah aa tial.

A sinain atutan ralkap cawlcangh nak kan zoh tikah Tuluk ralkap 300 leng Kawlram chungah an lut i mipi doh dingah a hman hna. Cucu upadi leng a si caah anmah ralkap suaimi upadi cu anmah nih an buar cang. An duh cun US siseh zeibantuk ram zong nih Kawlram an doh or kah khawh. Upidi nih a tlai kho ti hna lo.

2) US sining kan zoh tikah atu bantuk ram buainak kongah cun president nawl chuahnak in a duhmi ram poh a tuk khawh. Congress biachahnak a hau lo. President nih full power a ngeih caah a duh cun Kawlram zong hi US nih a tuk khawh. Biden kut ah nawlngeihnak a um.

US nih Kawlram a tuk khawhnak a ruang bik cu Tuluk hi a ngiar pengmi a si. Covid kong siseh a dang business kong zongah Tuluk hi a zohnak a sau cang. Tutan ah Tuluk nih biatak in Kawl ralkap a dirkamh ve tikah US caah cun caantha taktak a si. India le Japan le S Korea le EU pawl nih le US tha an pek cio fawn.

1988 lio ah Kawl ralkap tuk ding in US hi siangngakchia nih an rak hal ko nain zeihmanh a rak tuah lo. Sinain tutan cu 1988 bantuk cun um sawh awk a tha ti lo. Tuluk ruah hrim ah Kawl ralkap hi a phomh khawh. Atu ah Kawlram naih ah US ralkap le raltuknak Tinbaw Vanlong pawl an phan cang.
Cun a minung Kawlram ummi zong Kawlram chuah taak uh tiah an ti cang hna. A fiangmi cu UN nawlpeknak hau loin a power a hman lai i Kawl ralkap hi a kah te ko lai ti cu a fiang. Ramdang a kah i amiak mai a zoh bantuk tu cu a si hnga lo. Credit: Saya Tluang Ceu Thang

Leave a Reply