Tutan hlasakthiam Bawi Thiang Bik hlasakmi cu ngaih a chia kho taktak. Hi hla a phuahtu hi Nu Bawi Hnem (U.S.A) ah a ummi a si i hla aw hi B.H Van@Lenfu nih a tuahmi a si i Bawi Thiang Bik nih a sak. Tha tein rak ngai ve hmanh ngaih a chia kho taktak.

Hi hla hi tleicia Pi Kil Iang zuuhla amah philh lonak hla a si. Hlaphuahtu zong a thiam ngaingai. A hlabia zong a ttha ngaingai. Cun a hla aw an kalterning hi ngaih a nuam i lung a leng i ngaih a chia ngaingai. Rak ngai ve dingin kan in sawm hna.

Laimi hibantuk zuuhla hi kan ngeih tukin ka thei lo. Hibantuk nu le pa maw siloah unau le nau caah tiin le pi le pu caah zuunhla philh lonak hla a phuahmi hi kan tam lo ngaingai. Tutan ah Nu Bawi Hnem nih Pi Kil Iang tleicia philh lonak caah a phuahmi hi rak ngai ve law rak share piak cio hna uh!

Billy Graham nih a thih hlanah a chimmi rak rel chih ve. Pathian Kan Zumhmi San A Tlai Ti Maw: Billy Graham Bialehnak. Biahalnak: Nihin i Pathian kan zumhnak ah zeidah thathnemnak a um ti? Vawlei hi a buai chin lengmang i kan him chin lengmang ti lo. Pathian kan zumhnak zong nih a kan himter deuh hlei ti lo. Zeihmanh nih a kan himter deuh hlei ti lo. Zeidah Pathian kan zumhnak san a tlaihmi a um?

Rev. Billy Graham: Kan vawlei hi a buai tuk cang ruang le kan him chin lengmang ti lo ruang ko cun pei Pathian cu kan herh chin lengmang fom cu! Vawlei hi a tlingmi le buainak le harsatnak ngei loin a ummi si seh law Pathian hmanh hi kan herh hnga lo. Nihin bantuk kan caan chia ahhin Pathian kan herhnak a zual chin lengmang cang.

Hitihin ka chim lai, Pathian kan zumhnak ah daihnak le himnak kan hmuh lo ahcun khawika hlei ah khin dah kan va hmuh ti hnga. Aho dah kan va fuh hlei lai? Khawika hmanh ah kalnak le fuh ding kan ngei lo. Kan nunnak hi vawleicung thilri le minung sinah kan chiah sual ahcun Jesuh nih a chim bantukin mihrut pa bantukin thise cungah inn a sami kan lo lai.

Ruah a sur tik le thlichia an hran tikah a tlu colh lai (Matt 7:27). Cucaah daihnak, ruahchannak le himnak an pek khotu Pathian hi mer tak hrimhrim hlah. Jesuh Khrih ah fek tein na zumhnak chia lengmang law Amah i bochan lengmang ko. Midang nih cun an in deuh men lai. Asinain Jesuh nih cun an deuh bal lai lo.

Jesuh Khrih he nun ti hi na nunnak hmuitinh sangbik ah chia zungzal. Pathian sinah thlacam lengmang, Bible rel lengmang law na Khrihfabu chungtel he hawikawmhnak ngei lengmang. Bible nih vawleicung le a pumsak duhnak vialte cu an lo dih lai. sihmanhsehlaw Pathian duhnak a tuahmi hna cu zungzal in an nung’ a kan timi hi zeitik hmanh ah philh hlah! (1 John 2:17).

https://www.youtube.com/watch?v=K2NGBTWPwts&feature=youtu.be&fbclid=IwAR0hteM98E7XeEs4hZdOsidLMtPuAM5aD4GMlbb-kE0752rNScUMR8zZWO0