Admin||05|Biangreithlep 13|2020||Chin Ramkulh Hakha khuapi chung ah Motorcycle a fir mi mino (4) hna cu May 1, 2020, chun suimilam 11:00 an tlaih hna tiah theih a si. May 1, 2020 chun suimilam 11:00 hrawng ahkhan Hakha pengkulh Police zung in Police bawi Aung Phyoe le a kut tang pawl cu Khuathar Koh-kun lei ah Duty in an kal i cu lio ahcun mino(2) lunghrinh mi an tliah hna hnu ah biahalnak an tuah hna, cu hnu ah an mah mino pahnih telh in tleirawl (4) Motorcycle a firtu zong an tlaih khawh hna hi asi.

“Police Bawi Aung Phyoe le a kut tang hna hi Khuathar lei ah Duty in an um lio ah Hakha khuathar mi Timote le Fung Kuih Thang hna cu Motorcycle in an i chawh an hmuh hna, an motorcycle an zoh tikah a hnu le a hmai lei ah Cycle number zong a um lo pin ah a dang chingchiahnak ttha loin an rak hrawh dih mi a si.

Cu tikah Police pawl nih cun an lunghrinh hna caah an tlaih hna hi biahalnak an tuah hna tikah Motorcycle License le a cawknak thilri zong zeihmanh an langhter kho lo, cu pin ah an firnak hmunhma tiang in an theih khawh hna hi asi. Cu hnu ah Police nih felfai tein hlathlainak an tuah i Timote le Fung Kuih Thang pin ah a dang minung pahnih zong an tlaih chih hna lawng si loin an fir mi motorcycle (5) cu an tlaih chih dih hi a si” tiah an chim.

Motorcycle a fir mi Khuathar mino (4) hna le an firmi Motorcycle (5) cu police ih caan rau lo te ah an tlaih khawh dih i mifir pawl cu atu hi Hakha Police Sakhan ah an hren cang hna tiah Hakha IPRD nih an langhter. Credit: Hakha IPRD