Tutan CYONA Biahalnak Ttha Bik Le Kan Miphun Nih Mah Bialehnak Harbik Tiah Ka Ruah Mi Cu Miss Rody Biahalnak Hi Si- Al Bik Lian Zathang

Chin News

Tutan CYONA Biahalnak Ttha Bik Le Kan Miphun Nih Mah Bialehnak Harbik Tiah Ka Ruah Mi Cu Miss Rody Biahalnak Hi Si- Al Bik Lian Zathang

Image may contain: 13 people, people smiling, people standing

Tutan CYONA ah biahalnak tha bik le kan miphun nih key theihawk ah a herhbik tiah ka ruah mi cu Miss Rody nih Miss N Carolina a hal mi ( Chin Miphun mino hna cu holh phun tampi hmangmi Community in a thang mi kan si bang zeitindah lungrual tein rian kan tuanti khawhning cang lam asi lai ti hi asi). Chimrel a har bik mi le Practical in tuan a har bik mi kan Miphun Issue asi.

Mister Indiana cu kan Chin miphun hmai long siloin a hawiher dan cu miphun dang hmai zongah chuahpi ngam ding asi.Internation level bak asi. Indiana kan Miss nu hi ka zumh ngai nain an biahalnak biaknak le ramkel lei kong he pehtlai mi biahalnak asi caah a har deuh vak.A dang zongnih khanak tha khan an let kho hlei lai lo.

Image may contain: 18 people, people smiling, people standing

Mister Seattle (Kanpalet) abia lehnak pahnih hi CYONA nih a herh bik mi a muru asi. A zankhatnak a bia lehnak nih ka lung a hnursuan pah cang.Avoikhatnak bialehnak cu- hibantuk Chin miphun cawlcanghnak asi mi CYONA zongah kan nih Kanpalet hna zong kan i teltum khawhnak hnga ding caah zohchunhawktlak si dingin kai rak zuamnak asi. Apahnihnak bialehnak cu-2019 Mister hmu ninglaw holh phuntampi a hmangmi kan Chin Miphun dihlak i teltum kho dingin hruaichuah khawh kai zuam lai.Aruang cu We are one Chin.Congratulation Mister Seattle.A cunglei Miss Rody biahalnak tiang zong a khen chap.

Miss ahhin Miss Seattle (Falam) nih a hmuh te theo lai tiah ka ruah damh pah.Nain Mister Seattle nih a ngah cang caah asi kho men. Miss Dallas hi a experiences le a cawlcanghnak a tha.A tungtai cu tha lawlaw.Ngatainu bak si ko.Congratulation Miss 2019 CYONA .

Image result for miss rody

Miss Norway hi ramdang lamhla pi Europe in CYONA thazaang pekah a ra mi asi caah CYONA tuanbia thar tialtu le lamhmuhsaktu asi. Zohrem deuhlo ngai in ai tuahsual dah ti lo ahcun 1st Runner level tiang tal cu an phakter te ko lai tiin ka ruahdamh ning asi.Nain mipi thinlung ahcun winner asi ko rua.

CYONA Area chung lamhla piin idol zuamnak ah a ra mi Vancouver, Canada cu a hramthawk ka zumhning tein asi.Congratulation Canada

Image may contain: 23 people, people smiling, people on stage

Talent show zuamnak ah pakhatnak a kan hmuhpiaktu West Illinois pa te kha cu Miss le Mister ai zuam mi hna nakin a IQ a tha deuh.A biachim hawiher nih mipi a nuamhtertuk.A lam mi nakin a hawiherdan le a biachim ngaih a nuam deuh.Mipi a hip ngai fawn. Fashion cu ka zoh lo.Pakhatnak a kan copiaktu kan farnu te kha a chuakthiam ngaingai.Dallas nih tukum 2019 CYONA cu bual an co dih ngawt ko rua hih.

CYONA cu hruaitu hna nih hinak tha le thawng deuh chin lengmang in a hmanpiak zia an kan thiam ahcun a hlei in ramdang um kan Miphun caah kan Cozah le suttung tha bik kan tawhfung asi ko lai.Vawlei cung kili um Chin miphun nih nan cawlcanghnak hna hi cawn le hmuh khawh dingin kan zuam piak peng ko uh.

CEBC an hall cu ka ngiat tikah an lighting le stage an tuahning cu a mak ko. Mah khrihfabu ca men long siloin kan Miphun caah a herhnak poahin hmanding in sakmi ka si tiah an Hall nih bia a chim. Mah cucu Tutan CYONA cawlcanghnak thazaang pek kai thawhnak ah ka hmuh mi lomhnak sangbik asi.

Ref: Al Bik Lian Zathang-Photos Credit: Lai Kam Thang

Leave a Reply