Chinram milu 4,50000 tluk kan si i mah chungah Baptist buu hi 2,50000 tluk menbers an si. Naite ah Chin Cozah nih CBC (Chin Baptist Convention) rianttuan timhmi adoh a kham hna. CBC nih hin kan Chin miphun caah ahlawk ding le kan hunchonak ding tuah a timhmi asi.Chin Baptist hi 1997 lio te khan Chin miphun le kawl ralkap Cozah puar le hraan lio pi khan Chinram le Cozah kar palai rian arak ttuan pengmi si.

Tutan Chin Cozah le CBC kar tilcang mi ruah tikah Chin Cozah tlai lio NLD hi Chin mipi atam u nih an rem set ti lai lo ti a fiang ko. Mizoram Krihfabu nganbik Presbyterian hi Mizoram milu hnarcheu tluk an si. Mizoramah party ngan pahnih MNF le Congress an si. Cozah ser an i chang lengmang i nikum election ah Congress party faktuk in an sunghnak a ruang cu, Mizoram mipi lung afahter caah Presbyterian Pastor pahnih thum nih bia kaa hnih thum an hun chim tikah Congress party cu van le vawlei karah aa thlai bak ko.

Congress party voted mi vialte nih MNF party voted an pek dih tikah fawite in MNF party nih Mizoram Cozah an sernak kha ahun si.Krihfa ramah cun biaknak le party hi tthen khawh taktak arak silo.Cozah a ser khawhnak aruang cu, a chung ummi Krihfa hna vote peknak thawngin a si. Credit: William HC