8888 uprising lio hi kan ngakchiat lio a si i, zei ka rak theih lo. Asinain 8888 generation pawl lakah 8888 lio sandahpiahnak ah a rak itelmi vialte cu nihin ah i chim awk tuanbia le tuanbia hmanthlak taar awk an ngei. 2007 Saffron Revolution ah Laimi tampi an rak itel ve i, mah lio caan ah aa telmi paoh nih an tuanbia ah i chim awk an ngei ve.

Atu lio 2021 CDM movement le sandahpiahnak ah aa tel i a cawlcangmi vialte nih tuanbia nan ttial cuahmah. Tulio movement ah daite in a ummi paoh cu hmailei tuanbia chim caan a phak tikah an hmai a hngal te lai lo. Cucaah Tulio kawlrampi thlennak caah a a umi le CDM ah aa telmi vialte hi kan lawmh taktak hna. Nan nun ah hmaihngal pi awk tuanbia dawh nan ttial cuahmah a si.

Tulio movement ah a biapi mi belte cu ralrin tein um ding upto date thawngpang theih i zuam ding Peaceful demonstration tuah ding Thinhung in thilin tuk ko zong ah thihnak or khawndennak tlang phak sual ahcun nun a tha deuh tiah hrial ding. Ramleng khuasa hna nih a lang in zei hmanh kan tuah kho lo i, kan lung a faak. Kan di a riam kho lo. A lang in thlacam kan in bawmh hna. By Zasang Cinzah

Relchih: Atu hmanh ah thihnak tiang kan tong cang va si kaw zeican khi dah thingphang le lung rethei in kan um rih lai timi ruah ah thin lawngte i damh si cang. Hi kong he pehtaiin nihin thil cang cu lung a nuam hrim lo. Kawlram ralkap duh lonak sandah piah a linsa chin lengmang cang. Kawl ralkap nih Internet line an phih khawh sual mi a si caah hi ca hi Kawlram um mi Chin mipi dihlak nih an rel khawh nak lai a rannak in share rak kan tuah piak ve.

Ralkap duh lo langhternak sandah piahnak hi ngol awk a ttha rih lo: Rampi Sandah piahnak ralkap duh lonak langhter nak cu nihin in ralkap nih khuaci mui in an cuanh cang. Nihin ah Police nih Meithal tiang an hman cang ruang ah minung pakhat a nunnak a liam tiah kan theih. Sandah piahnak hi nihin dirhmun tiang lawng ah kan ngol ahcun Kawl ralkpa an i lawm tuk lai. Kawl ralkap kan cawlcangh bak in mipi an lau, an dai colh tiah an ruah lai i hlawhtlinnak aum ti lai lo.

Sandah piahnak kan ngol ahcun zeidah a cang chinchin lai. Nihin lawng in ralkap nih biatak tein mipi hronak renghnak le thihphaihnak an tuah a si. Kawlram State cheukhat ah Curfew an phuan zong nihin lawng in a si ti ko usih. Cu caah kan ngol colh ahcun Curfew kan tuah ralkap nih order kan chuah i kan hro hna ahcun mipi an cawlcang ngam ti lo.

cu caah hmailei zong ah mipi cu kan hro hna lai i an tih peng ko lai. A phungmen lawng in an au mi asi ko an kan ti lai. Tutan mipi nih kan hal mi zong an kan pek lo hlei ah zeihmanh ah an kan rel lai lo. Cu caah Sandah piah ngolh hi kan duh mi kan hmuh lo lawng si loin ralkap nih neknak ah an kan hman lai. Thaizing lei zong din loin peh peng rih hna usih. Chin ramkulh dihlak zong. Sandah piah ngol loin peh peng rih uhsih. US UN. I. J. C ti bantuk nih Kawl ralkap le mipi karlak cawlcanghnak a ngiat cuahmah lio asi. Nikhat nihnih vial lawng piah in ngol ahcun sullam ngei lo a si lai. Thaizing kan i din rih lai i hmaizarh lei ah kan piah tthan te lai ti awk a ttha lo.

Cu caah kan duh mi kan hmuh hlan lo cu pehzulh lawlaw in piah a hau. Chin miphun dihlak, hruaitu upa dihlak thaizing lei zong peh peng rih hna usih. Tutan cu kum 1988 lio bantuk a si ti hrim lai lo. Nikhat cawlcanghnak hi vawleipi nih an kan hmuh colh cang. Cu caah pehtlai tein au peng rih usih. Ramdang khuasa chim mi dihlak zong voikhat sandah piah kha a za ti hrim ve hlah uh. Kawlram nan unau le ralkap uknak hrawh khawhnak ding caah pehtlai in rak au peng ve rih uh. Rak share cio hrim uh, ngol awk kan tha lo hih, a lak lawh ah kan dir lio a si teinak a nai ko cang. Hawidang an piah lio ah piah ta ve usih tiah nikhat nihnih lawng sandah piah in ngol kha cu tihnung chinchin asi.