Tutan Biden Thil Tuah Cu Trump Dirpi Tu Caah Cun Mangchia Manh Bantuk Si Lai Hih

World News

Hlan ah President Donald Trump nih a rak khammi nudawk padawk U.S. ralkap luh khawh lo dingin a rak kham mi cu tutan ah President Joe Biden hrawh in a duh mi paoh nih U.S ralkap luh khawh dingin minthutnak cu a tuah. Mah hi campaign a rak tuah lio hrim ah a rak aupi cang mi lakah pakhat a si.

WATCH] Deadline Now: Donald Trump Vs. Joe Biden; Who Will Win Debate? –  Deadline

“Nudawk padawk sinak (gender identity) ngeih ruangah ralkap luh khawhnak kham ding a si lo; sining-dirhmun cawhmi ah America nih thazaang kan hmuh,” timi President Biden nih a zumhnak kong cu White House biachimtu nih cun an phuan. “Na ngandam i daan le dun tuahmi pawl na zulh khawh a si ahcun ralkap luh khawhnak sianh na si ko,” tiin Defense Secretary ttuanvo thar latu, Lloyd Austin zong nih President Biden biachim a pompi kong cu a chim. Source: FoxNews

Relchih: Senate Nih Donald Trump Tazacuai Hram An Thawk: President Donald Trump cu Senate ah tazacuai ding in House Democrats nih impeachment an tuahnak The Article of Impeachment for Incitement of Insurrection cu impeachment a tuahtu, House democrats hna aiawhtu, Managers hna nih tu zanlei ah Senate ah an rak chuahpi. US phunghrampi ning ahcun Senate nih President taza an cuai ahcun US Supreme Court Chief Justice hruainak in tuah phung a si.

Asinain President Donald Trump cu a term zong a dih cang I, President sinak in a ngol cang caah Supreme Court Chief justice John Robert hruainak si loin Senate President Pro Tempore Senator Patrick Leahy hruainak in tuah a si lai. Tazacuaitu Democrats aiawhtu hna nih President Trump nih Capitol Hill ah buainak chuakpi nak kong tette an ngeihmi vialte cu Senate ah an phuan lai. Mah hnu ah Trump sihni hna nih an a sual lonak an chim ve lai.

Mah hnu ah Senate ah debate an tuah te lai I, Senate minung 100 nih President Trump a sual le sual lo cu bia an chah lai. Senator minung 100 chungah cheu thum cheu hnih vote nak lawng in a sual tiah dantatnak pek khawh a si. Senate ah Democrat le Republican cu vote 50 veve an ngei. Senate i cheu thum cheu hnih vote lawng in Trump cu sual dantatnak pek khawh a si.

Republican minung 17 nih democrats lei I an ttan lawngah President Donald Trump cu sual dantatnak an pek kawh lai. Thong thlak cu a um lai lo, asinain President hlun hna nih an co dingmi benefit vialte cu chuh dih a si lai. Cun hmailei President thimnak ah cuhnak nawl an pe ti lai lo. Asinain Democrats tazacuai mi hi an hlawhtlin lai zumh a um lo. Salai Lairamthang

Leave a Reply