Turkey, Russia Le Syria Nih Kurdish Doh Dingin An I Kawp Cang, Kurdish Caah Chuahnak Lam Um Ti Lo

Turkey le Russia cu hoikom ttha an si cu kan kan theih i, phaisa billion tampi dih in raltuknak hriamnam zong an i caw. Cu bantukin Syria cozah cu Russia nih unau bantukin a ruah mi a si fawn. Cu tikah North Eastern Syria thlihran ning cu ruah l0 ngaiin a phundang hoi cang. Ahohmanh nih dirpi duh lomi Kurds caah cun ruahchannak a um lo ngai cang.

Turkey, Russia le Syria hna cu hmunkhat ah dir ttiin Turkey ruahnak i hrawm in, Syria he an i ramri Syria ramchung a rak lutmi Kurds miphun hna umnak hmun, Syria ralzam umnak ding safe zone an timi le Kurds umnak hmun chuah dih ding an timi cu Russia le Syria zong nih lungtlin piin an cawlcang ve cang. Cu tikah Syria le Kurds remnak sermi cu zeihmanh lo ah aa chuah cang. Bawmchantu an ngaih dah ti lo cun Syria cozah tangah an duh lo zongah um dawh an si cang.

Turkey, Russia le Syria hna i remnak ahcun Kurdish hna an umnak chungah Syria ralkap, Assad regime forces post 15 bak te chiah ding ti a si cang. Syria nih an duh ning in Kurds miphun hna umnak cu Syria ram a si ruangah Syria nih Turkey he i hrawm i, Turkey duhnak zulh in lak dih tthan an timh cang.

Mah lak ah Russia zong Syria ralkap hna sinah Northern Syria-ah um i, Turkey he an i ceih ning bantukin Turkey duhnak chungah um in buainak vialte thianh dih dingin Russia ralkap cu border ah an i thiar cuahmah ve. Turkey-Syria border hi Kurds miphun caah cun luh ngam ding le kal ngam ding zong si ti lo. Baemchantu an herh taktak cang.