Hakha khua thar saknak ding hmun ah phung ning loin inn sakmi vialte cu tuni ah Cozah nih hrawhpiak dih a si cang. Tuzing suimilam 8:00 ahkhan phung ning loin sakmi inn cu hrawhpiak le ttheh piak dih an si hna. Inn ngeitu pakhat cu Cozah nih JCB nih a inn a hrawhpiak lioah a inn chuah taak duh loin a nunnak thap in a inn chungah a um i palik pawl nih an chuahter tik cu a lungmit i a tlu i siizung tiang a phan tiah theih asi.

Hakha Senpi siizung i tuanvo ngeitu Salai Thang Sian Mang nih cun inn chungah chuah loin a um i palik le Sinpin pawl cu leng ah an dir i cu lioah a lungmit a i, siizung cu a um lo, caan raulote ah Oxgygen kan pe tlawmpal kan dinhter i a ttha tthan ko siizungah um thai loin a chuak cang tiah a chim. Khuapi thar saknak ding hmun i, phung ning loin sakmi inn vialte cu zingka suimilam 8:00 am in zaanlei suimilam 6:00pm tiang kan hrawh tiah Sipin tlangbawi U Soe Thet nih a chim.

Hakha khua thar saknak ding hmun ram Ekah 676 chungah phung ning loin sakmi inn pawl hna cu a luancia August thla ni 8 ahkhan tthehpiak le hrawhpiak dingin timhtuahnak an rak ngei cang. Asinain biaknak lei saya pawl he ceihhmaittinak an ngei tikah August 19 ah thawn arak si, nain an ttheh thai loin tuni August 20 ah an tthehnak hi asi. Kamkhat lei cun lung a nuam lo taktak. Zeitindah nan ruah ve cio ning asi?

Video credit: The Chinland Post