Update: 8:40 PM March 1 ah Hakha khuachung tlaihmi Nu 8, Pa 15 an si; Thaizing an thlah than hna lai. Nihin chun duhlonak langhtermi chung in le lam ah riantuanmi le a chawklet sawh mi chung in, minung 23 tluk an phan tiah theih a si.

Hi kong ah pehtlai in, CNF in Vice Chairman -III Dr. Sui Khar nih, Border Minister (Ramri Vuanci) a chonh. Hakha ah tlaihkhih a tong mi kong ah an lung a lawmh lonak kong a chimh tik ah, Ramri Vuanci (Border Minister) nih, atu an tlaih mi hna cu thaizing ah an thlah than ko hna lai. Mi sawhsawh, a chawhlet sawh mi le riantuan mi an tlaih mi hna cu thaizing ah an thlah ko hna lai. Nain, hlathlai deuh a herh mi minung, hruaitu deuh bel an i tel a si ahcun, hren chap an si kho men” tiah naihniam sin in kan theih.

Tlaih khih a tong mi kong ah, Hakha Palek zung auhnak in hruaitu upa cheukhat zong tuzaan sml. 8 tluk ah tonnak an ngei tiah kan theih.Nihin tlaihkhih a tong mi vialte caah, Pyidawtha Sang nih Zaanriah an rin hna i, IBC Biakinn nih, zaanthuanh puan an rinh hna tiah theih a si. Source: The Cinland Photo: CHRO Facebook Page

Breaking: Hakha khuachung Ralkap nih Lamton (Lansung) in Methodist Biakinn/C&C karlak ah dirter mi motor-cycle vialte an mawtaw cung ah khin in Palek Sakhan lei ah an kalpi lai tiah kan theih. Hi ca kan tial lio ahhin, Ralkap mawtaw cung ah Motor-cycle 7 tluk an khin cang. A hmasa bik, Ralkap nih an lak mi Motor-Bike a ngeitu hi Methodist Biakinn ah riantuan lio mi an si.

An motor-cycle an lak piak mi kong ah palek pawl he biaruahnak kan ngeih tik ah, an cycle sinak (license) he Pelek zung ah rak hlam te ko hna seh tiah Palek pakhat nih a hmun i a ummi The Chinland Post riantuantu pakhat sin ah a chim. Methodist Biakinn le Hakha Lamton (Lansung) karlak ah atulio a dirmi motor-cycle hi 100 tluk a um lai tiah ruah damh a si. Source: The Chinland Post

The Hakha Times: March 1 zaan 8:00 update: March 1 Hakha ah Palek nih minung 23 an tlaih hna. Pa 15 nu 8 an si tiah zaan 8:00 ah tuanvo ngei upa sin in thawng kan theih. Hi chung ah an min kan theih khawh tawk hna cu a tanglei hna hi an si. Palh mi le telh lo mi nan theih mi an um ahcun pehtlaih khawh kan si.

1. Van Cer Hluan. 2. Mal Sawm Tluang (Pyidawtha). 3. Sui Tha Tawng. 4. Kap Cung (Dawrthar). 5. Van Cer Hluan. 6. Bawi Cung. 7. Tial Tin Par. 8. Sai Thawn. 9. Sang Bik Lian. 10. Sui Hnin Hmung (Cawbuk)
11. Chan Chan (Pyidawtha). 12. Van Ni Sui (Chinosi). 13. Joshep (Hermon). 14. Joel (Hermon). 15. Mery Zai Hnem Sung (Dawrthar). 16. Tun Tun (Falam). 17. Robert Ngun Lian Mang (Falam). 18. Biak Tha Par. 19. David Van Hmuh Thang (Chinosi)