Tuni ah XXX nih phone a rak ka chonh. “Covid-19 zawtnak a um caah ka fapa thonginn ah a ummi a dam maw/lo ti kong ah ka lungre a thei, cucaah zangfahnak tein ka hal piak hna law” tiin a ka nawl. Afapa AAA hi mawtawka na fir timi hmu ( case) ruangah an tlaihmi asi. A fapa thong thlaknak hi Dallas in nazi 1 leng mawnghnak khua hme te kiang thonginn ah a si.

A fapa dam maw, dam lo timi kongah Brandi timi sinah thawngpang halnak email cu ka kuat piak. Tlawmpal ah a ka leh colh: AAA hi a dam lio te a si ko tiin thonginn ngandamnak lei tlaitu nih a ka chim ko tiin thawng a ka thanh.

AAA a dam ko timi thawngpang cu a nu sinah ka hei thanh. A dam ko timi thawngpang a hei theih i a nu a lawmh ning aw ka theih tikah ” Nule dawtnak hi a ri a rak um lo hi ta, zeitlukin fale te an sual zongah fale cungah an dawtnak le siaherhnak a dih kho lo hi ta, mah hihi pei dawtnak taktak timi a si ko lai hi” tiin khua a ka ruahter. Khat lei ah biahalnak a vun chuah vemi cu afapa nih hin teh anu caah siaherhnak a hei ngei hnga ve dek maw?

Thawngpang dang rak rel chih:Nai tan i minung pakhat ah U$ 1200 cio bawmhnak cu a rau hlang te ah pek colh a si lai timi thawngpang theihnak zarhhnih deng mang kan phan cang, nain tuhnu zarhhnih hrawng a rau than kho rih men tiin thawngpang a chuah hoi.

Cun unemployment benefit soknak website a nuar ning le an phone number chonhnak a har ning cu chim ding um ti lo. An busy tuk caah a si ko tiin ihnem lawngah ruahzia thiam deuh a si. Thil sining a theih lomi le mi theithiam lomi hna va bawmh sual ahcun a bawmtu tu hna santlaih lo hna a lo. Cucaah pei– acozah tlaihmi a tha tiin na ruah ahcun veteran clinic khi va leng te hna lawng nai fian ko lai tiin capo biatak an rak chim tawnmi a si ko lai hi. Credit: Salai Z T Lian

Note: Hmanthlak hi Google ta kan lakmi kan tar chinmi asi.