Tuluk Ram Lihninh Ruangah Nunnak A Liammi Minung 131 An Phan.

World News

Tuluk Ram Lihninh Ruangah Nunnak A Liammi Minung 131 An Phan. Tuluk ram Gansu ramkulh ah thazaang a ṭhawng ngaimi lihnin a chuah ruangah nunnak a liammi minung 131 an phan, minung 20 leng an tlau i mi bawmchantu phu nih an kawl cuahmah hna.

China nitlak chaklei, Gansu ramkulh, Linxia Hui hmunram ah 6.2 magnitude in a ṭhawng mi lihnin hi December 18 zanṭim 11:59 ah a chuak i, minung 113 nunnak a liam colh pinah minung 536 hliam an pu. Lihnin ruangah inn 155,000 a rawk, tiah ramkulh cozah nih an langhter.

Lihninhnak pawngkam ah a ummi Qinghai ramkulh ah minung 14 nunnak a liam ve i 198 hliam an tuar. Lihninhnak a daih hnu ah mincimhnak a chuak i minung 20 an tlaunak kong nawlngeitu nih an chim.

Lihninhnak a chuah hnu in electric mei le dinti laknak zong a rawk dih i December 19 chun ah thazaang a dermi lihninhnak voi 300 leng nih a zulh, tiah Tuluk ram media nih an langhter. Lihnin ruangah nunnak a liammi hi an karh peng caah atu thawngpang kan hlat tiang ah minung 131 an phan cang. Ref: The Chin Post

Leave a Reply