The Chinese Embassy, Kazakhstan nih nawlchuah in Kazakhstan leiah Unknown Pneumonia, zawtnak, Covid-19 zawtnak hmanh in ṭih a nung deuhmi zawtnak a um tiah, khuami hna sinah thanhnak an tuah. Chinese embassy nih cun an minung (citizens) hna nih hi zawtnak ṭihnung a chuak tharmi Covid-19 nak hmanh in minung nunnak caah ṭih a nun deuh tiah ralrin a peek.

Chinese embassy Wechat platform nih ‘Unknown Pneumonia’ timi zawtnak Kazakhstan ah a chuak tharmi ruangah thla 6 chungte lawngah minung 1,772 an nunnak a liam cang i June ah chungte hmanh ahkhan 928 an thi cang. Hi zawtnak a chuak tharmi Fatality rates hi Covid-19 nak hmanh in ṭih a nung deuh,”tiah thawngzamhnak a tuah.

Asinain Kazakhstan’s Healthcare ministry nih cun, Chinese Embassy thawngzamhmi cu thawngpang diklo ‘Fake news’ a si tiah an chim ve ṭhan. Kazakhstan’s Healthcare Ministry nih cun, “Chinese thawngzamhnak nih ‘Pneumonia’ timi zawtnak thar Kazakhstan ah chuak ṭhan an timi hi thawngpang diklo a si tiah a chim ve. Kazakhstan ahhin Covid-19 zawtnak a ngeimi hi 55,000 an um i minung 264 an nunnak a liam cang i a voihnihnak (Second) lokcdown an tuah liopi a si.

Cacawn nihnihni ahkhan Kazaskhstan State News Agency Kazinform nih cun Covid-19 2019 nakin Pneumonia zawtnak a ngeimi June 2020 tiangah 2.2 in an tam deuh tiah a tarlangh ve. The Global Times Tabloid, China’s People’s Daily nih cun Kazakhstan’s Foreign Ministry nih, Chinese Embassy tuah dingin thawng an thanhmi hna cu lehnak an tuah hna lo tiah a tarlangh ve ṭhan.