Tuluk cozah cungah Pathian Lairelnak: Tuluk Cozah nih Khrihfami cungah tukdohnak atuah caan hi a sau cang. Pumhnak hmanh ngei loin Biakinn hna cu a hrawh pin ah akharpiak hna. Khrihfa mi hna tonbiaruahnak hmanh ngei kho lo dingin a khampiak hna. Tuluk Khrihfa mi hna hi ram caah zumhtlak taktak mi an si hna.

Sihmanhsehlaw Cozah nih hremnak phunkip a pek hna i, zumtu Khrihfa mi hna cu dirkamhtu ngei loin Tuluk cozah kuttangah lungrethei vansaang au in an hraamnak caan hi asau ruangmang cang. Cu ruangah vawlei Khrihfa mi hna cu Tuluk ram khrihfa mi hna caah biatak tein thla an cam hna. Tuluk cozah nih Bible akanghmi hi ating renglo asi cang tiah an chim. Sihmanhsehlaw atu ahcun Tuluk ramchung ah zawtnak tlangrai a tlung cang. Tlangrai zawtnak ruangah Tuluk sipuazi zong tampi a hnur suan cang. Culawng siloin Tuluk serchuahmi thil hna cu zawtnak a um sual lai tiah ttihnung ngai in an cuanh cang hna.

Tuluk ramchung ah a cangmi thil hi Pathian bia in cuan uhsihlaw zeitindah asi hnga? Khrihfa mi hna nih Tuluk ramchung Khrihfa mi tuarnak vialte thla an camnak hi Pathian nih hitihin maw lehnak a tuah hna hnga? Hi thil hi kanmah nih cun kan chim kho lai lo. Asi taktak hnga maw ti zong kan ti kho lo. Khrihfami hna a hremtu Tuluk cozah cungah Pathian khuakhannak langhter siseh tiin thla a cammi zeizat remruam dah an um hnga timi zong kan theih lomi tampi a um lai. Obama chan lio ah Tuluk cozah cu biatak tein phawrhlaw ngaiin a rak um tawn mi kha atu ahcun Trump nih a vun thlennawn khawh dih.

Trump nih Tuluk cozah cu a zeizong ti awk in a vun lonh pin ah Tuluk cozah cu tlangrai zawtnak nih a vun tlakthuat tikah Tuluk cozah caah thlacamtu kan um lem lai lo. Asinain Pathian nih tuah khawh lomi angei lo. Pathian khuakhan Lairelnak hi thangthar mi hna nih a thar in kan theih ahau. Pathian thinhunnak hi zuamcawh ding mi phun a si lo. Ref: Biak Siam- TCLP